У Беларусі хочуць увесці аплатны адпачынак для бацькі пры нараджэнні дзіцяці

Яго можна ўзяць у першыя шэсць месяцаў з дня нараджэння малечы.

Адпачынак для бацькоў пры нараджэнні дзіцяці плануюць зрабіць аплатным. Пра гэта расказала міністарка працы і сацыяльнай абароны Наталля Паўлючэнка, паведамляе БелТА.

З 2020 года ў Працоўным кодэксе Беларусі з'явіўся новы від сацыяльнага адпачынку — кароткачасовы адпачынак для бацькі пры нараджэнні дзіцяці. Яго можна ўзяць у першыя шэсць месяцаў з дня нараджэння малечы.

Як удакладніла Наталля Паўлючэнка, цяпер гэты перыяд аплачваюць з жадання наймальніка. Паводле ейных слоў, ахоп такім адпачынкам у буйных арганізацыях прыкметна вышэйшы, чым у сярэдніх і малых. Пры гэтым запатрабаванасць адпачынку сярод мужчын, якія маюць на яго права, значна вышэйшая у арганізацыях, дзе адпачынак аплачваецца.

Цяпер, працуючы над зменамі ў Працоўным кодэксе, мы абмяркоўваем з наймальнікамі прапанову ўстанавіць аплатны адпачынак для бацькі на парытэтнай аснове — за кошт наймальніка і сродкаў сацыяльнага страхавання», — падкрэсліла міністарка.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com