Пажар у доме прэм'ера Брытаніі: затрыманы падазраваны ў наўмысным падпале

Разглядаецца магчымая сувязь з яшчэ адным інцыдэнтам у Лондане.

У Лондане праваахоўнікі затрымалі 21-гадовага мужчыну, якога падазраюць у падпале дома, звязанага з прэм'ер-міністрам Брытаніі Кірам Стармерам.

Пра гэта паведамляе Sky News.

Са звестак следства, на працягу дня былі ўчыненыя падпалы ўваходных дзвярэй двух дамоў у Паўночным Лондане.

Адзін з іх, як мяркуюць праваахоўнікі, належыць Стармеру і цяпер здаецца ў арэнду. Інцыдэнты адбыліся ў нядзелю і ўночы ў панядзелак.

Таксама разглядаецца магчымая сувязь з яшчэ адным пажарам у аўтамабілі, які адбыўся раней у тым жа раёне.

У паліцыі пацвердзілі, што затрыманы падазраецца ў падпале з мэтай стварэння пагрозы жыццю.

Яго ўзялі пад варту ў аўторак, 13 траўня. Пацярпелых у выніку пажараў не было, аднак пашкоджаны ўваход у будынак.

З-за таго, што маёмасць звязана з публічнай асобай, расследаванне вядзе Контртэрарыстычнае камандаванне. Усе тры інцыдэнты пакуль разглядаюцца як падазроныя.

Нагадаем, што ў панядзелак адбыўся пажар у доме прэм'ера Вялікабрытаніі Кіра Стармера.

Прычына ўзгарання была невядомая, але ў паліцыі пацвярджалі, што ніхто не пацярпеў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com