ЗША выводзяць войскі з польскай Ясенкі, праз якую Украіна забяспечваецца зброяй

Хаб далей будуць выкарыстоўваць для надання вайсковай дапамогі Украіне.

Камандаванне войска ЗША ў Еўропе і Афрыцы (USAREUR-AF) абвясціла аб запланаванай перадыслакацыі амерыканскіх вайскоўцаў і абсталявання з аэрапорта Ясенка каля Жэшува ў іншыя месцы Польшчы, паведамляе “Польскае радыё”.

Як падкрэсліваецца ў камюніке, апублікаваным на сайце камандавання, гэтая перадыслакацыя з'яўляецца "часткай больш шырокай стратэгіі аптымізацыі вайсковых аперацый ЗША, паляпшэнню падтрымкі супольнікаў і партнёраў пры адначасовым падвышэнні эфектыўнасці".

У дакуменце адзначаецца, што гэтая пастанова "адлюстроўвае шматмесячныя ацэнкі і планаванне", якія праводзіліся ў каардынацыі з польскай стараной і іншымі супольнікамі з NАТО.

Ясенка працягне выкарыстоўвацца для надання вайсковай дапамогі Украіне, падкрэсліваецца ў камюніке.

Амерыканскія вайскоўцы прыбылі ў аэрапорт пад Жэшувам у пачатку поўнамаштабнага ўварвання Расеі ва Украіну ў 2022 годзе.

На змену амерыканцам у апошнія месяцы там былі разгорнутыя зэнітныя сістэмы з Нямеччыны і Нарвэгіі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com