The Telegraph: Дроны УСУ знішчаюць тэхніку РФ яшчэ на подступах да фронту
- 8.04.2025, 9:59
- 5,462
Прасоўванне расейскіх войскаў забуксавала.
Расейскі наступ ва Украіне істотна замарудзіўся - праз высокія страты, складаныя ўмовы надвор'я і эфектыўную абарону УСУ, піша The Telegraph.
Са слоў высокапастаўленага чыноўніка NАТО, тэрытарыяльныя дасягненні РФ за апошні месяц у пяць разоў меншыя, чым пяць месяцаў таму. Прычыны - лепш умацаваная абарона і новыя метады барацьбы Украіны. Адзін з іх - масавае выкарыстанне дронаў, якія сталі ключавой зброяй канфлікту.
«Калі вы працягваеце барацьбу пасля пункту, у якім вы знясіленыя, і пункце, на якім наступальныя аперацыі вашых сіл дасягаюць кульмінацыі, вы можаце працягваць барацьбу, але вы будзеце атрымліваць меншую лімітавую аддачу. Ваш узровень знясілення будзе вышэйшы, і вы проста не будзеце настолькі эфектыўнымі», - растлумачыў Джордж Барос з Інстытута вывучэння вайны.
Захоп Аўдзееўкі мінулай зімой даў расейцам часовую перавагу. Аднак тэмпы прасоўвання ўпалі: калі ў лістападзе 2023 года Масква прасунулася на 730,5 км², то ў сакавіку - толькі на 143 км².
«Як мы чакалі, расейскія поспехі замарудзіліся, калі яны набліжаліся да больш забудаваных раёнаў, такіх як Пакроўск, і ўзровень іх страт застаецца вельмі, вельмі высокім», - заявіў прадстаўнік NАТО. «Расея неаднаразова дэманстравала, што яна будзе працягваць прымаць такую стратэгію – вялікія страты ў абмен на павольныя дасягненні».
У той жа час украінскія войскі вядуць лакальныя контратакі і ўтрымліваюць пазіцыі, асабліва на Пакроўскім і Тарэцкім кірунках. Беспілотнікі выкарыстоўваюцца не толькі для выведкі, але і для дастаўкі боепрыпасаў, часта ў спалучэнні з артылерыяй.
Майкл Кофман, старшы аналітык Фонду Карнегі, адзначыў:
«Беспілотнікі адказваюць за больш як 60 адсоткаў штодзённых страт у Расейскай Федэрацыі на гэты момант і з'яўляюцца асноўным сродкам спынення атак у спалучэнні з мінаваннем і традыцыйнай артылерыяй".
Асобныя ўкраінскія падраздзяленні, сярод іх 59-я дэсантна-штурмавая брыгада, паведамляюць, што да 85% страт, якія яны наносяць ворагу, прыпадаюць менавіта на дроны.
Барос дадае, што атакі БПЛА часам знішчаюць тэхніку на адлегласці да 10 км ад фронту, прымушаючы расейскіх салдат прасоўвацца пешшу.
Нягледзячы на страты, Пуцін працягвае ціснуць, спрабуючы атрымаць максімальныя тэрытарыяльныя перавагі да магчымых мірных перамоў. Ён падпісаў указ аб наборы яшчэ 160 тысяч вайскоўцаў - рэкорд за апошнія 14 гадоў. Але аналітыкі сумняваюцца, што РФ удасца прарваць украінскую абарону.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
