Вусік і Дзюбуа правядуць рэванш 12 ліпеня

Бой за званне абсалютнага чэмпіёна свету адбудзецца на стадыёне «Уэмблі».

Каманды ўкраінца Аляксандра Вусіка і брытанца Даніэля Дзюбуа знаходзяцца ў працэсе заканчэння ўгоды аб матчы-рэваншы за званне абсалютнага чэмпіёна свету ў цяжкай вазе, паведамляе The Ring.

Паводле звестак інсайдэра The Ring Майка Копінджэра, рэванш павінен адбыцца 12 ліпеня на стадыёне «Уэмблі» ў Лондане.

Украінец і брытанец сабралі ў сваіх руках чэмпіёнскія тытулы паводле ўсіх самых прэстыжных версій. Вусік валодае паясамі WBC, WBO і WBA, Дзюбуа – IBF. У супрацьстаянні паміж імі можа вызначыцца новы абсалютны чэмпіён свету.

Адзначым, што Дзюбуа атрымаў свой пояс пасля добраахвотнай адмовы ад яго Вусіка. Украінец пасля першай перамогі над Ф'юры ў траўні мінулага года стаў абсалютным чэмпіёнам свету. Аднак быў змушаны адмовіцца ад тытула IBF. Арганізацыя патрабавала абароны чэмпіёнства, а ўкраінец не мог гэтага зрабіць праз абавязацельства правесці рэванш з Ф’юры. Таму ў паўторным баі Вусік - Ф'юры на коне стаялі тры паясы - WBC WBA і WBO.

Дзюбуа ў сваю чаргу атрымаў тытул IBF, адолеўшы ў паядынку за вакантны пояс земляка Энтані Джошуа. У першай абароне тытула Дзюбуа павінен быў біцца з новазеландцам Джозэфам Паркерам 22 лютага, але праз хваробу адмовіўся ад бою. Тады ж з'явіліся канспіралагічныя версіі, што брытанец нібыта насамрэч не хварэў, а надумаў не рызыкаваць на рынгу, каб не страціць пояс, без якога ён будзе нецікавы Вусіку.

Вусік і Дзюбуа ўжо сустракаліся на рынгу - у жніўні 2023 года ўкраінец накаўтаваў спаборніка ў дзявятым раундзе. Брытанец ўважае тую паразу несправядлівай.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com