«Авіяносец – гэта наймагутнейшая моц»
3- 14.04.2025, 20:09
- 4,764
Эксперт расказаў пра лідарства Францыі ў ЕЗ.
Францыя збіраецца падвоіць абаронны бюджэт краіны да 2030 года і запусціць буйныя абаронныя праекты. Такія планы агучыў прэзідэнт Эмануэль Макрон. Цяпер ваенны бюджэт краіны складае блізу 50 млрд еўраў – гэта 2% ВУП. Акрамя таго, Макрон адным з першых сярод лідараў краінаў-партнёрак Украіны выказаўся пра тэрор расейцаў у Сумах.
Ён акцэнтаваў, што Расея пачала гэтую вайну і імкнецца яе прадаўжаць. Тут Францыя займае адназначную пазіцыю, адзначыў эксперт украінскага Цэнтра міжнародных даследаванняў Адэскага нацыянальнага ўніверсітэта імя І.І.Мечнікава Дзяніс Кузьмін.
Гэта добра, вядома, што Францыя займае такую адназначную пазіцыю, і Макрон асабіста, нягледзячы на тое, што ён больш не будзе пераабірацца прэзідэнтам. Але не факт, што наступны прэзідэнт прадоўжыць на 100% ягоную палітыку. Мы павінны не забывацца, што калі пачалася вайна, а потым і поўнамаштабнае ўварванне РФ, многія асцерагаліся пазіцыі Францыі.
Мы ўбачылі, што за гэтыя тры гады Францыя ад першых вельмі стрыманых каментароў у першыя дні поўнамаштабнага ўварвання дайшла да больш чым адназначнай пазіцыі, – адзначыў спікер.
Дзяніс Кузьмін акцэнтаваў: гэта ўжо не тая Францыя, што была на пачатку ХХ стагоддзя. Гэта самая магутная ў ваенным сэнсе дзяржава ў Еўропе і ў еўрапейскай частцы NATO.
– Францыя яшчэ з 1950-х гадоў, пасля савецкага крызісу, зразумела, што яны не могуць кіраваць светам самастойна. Яна можа рэалізоўваць свае глабальныя сусветныя амбіцыі, будучы еўрапейскай лідаркай. Гэта значыць, самастойна ім складана канкураваць з ЗША, Кітаем, Індыяй і нават з Расейскай Федэрацыяй. Але стаць лідарам аб'яднанай Еўропы – у гэтым сэнсе бачыцца якраз нацыянальная цікавасць Францыі. На гэта ўсё было заменчана. У Францыі фактычна захавалася ўся абаронная і зброевая вытворчасць, – растлумачыў эксперт.
Паводле ягоных словаў, з усіх еўрапейскіх дзяржаваў толькі ў Францыі ёсць свой авіяносец.
– Нават ангельцы не могуць толкам наладзіць нічога, у іх усяго чатыры падводныя лодкі засталіся з ядзернай зброяй. У французаў ёсць свая, няхай не трыяда, але дыяда. Гэта значыць, гэта ядзерная зброя, якая не ў шахтах, а на авіяносцы «Шарль-дэ-Голь», дзе да самалётаў можа прымацоўвацца ракета з ядзерным зарадам. Авіяносец – гэта наймагутнейшая моц. Ні Нямеччына, ні Турцыя нават марыць не могуць пакуль збудаваць такое. У Францыі ёсць усе цыклы вытворчасці. Ім трэба цяпер не толькі вылучаць грошы, а ўсяляк нарошчваць, – мяркуе Кузьмін.
Акрамя таго, ён акцэнтаваў, што для выкарыстання такой зброі даволі загаду кіраўніка дзяржавы, прэзідэнта Францыі. Ніякія ўхваленні парламента, рэферэндумы не патрэбныя. Украіна ў гэтым выпадку, паводле словаў эксперта, можа толькі вітаць амбіцыйнасць французскіх заяваў, якія павінны падмацоўвацца фінансамі і павелічэннем уласнай аўтаномнай вытворчасці.
– Цалкам замяніць Злучаныя Штаты яны не могуць у еўрапейскай мадэлі бяспекі. Французы не перададуць кантроль над ядзернай зброяй. У вытворчасць інтэгравацца таксама вельмі складана, бо кожны адстойвае свае мадэлі ўзбраенняў. Італьянцы – свае, немцы – свае, французы – маюць самыя магутныя, – адзначыў госць эфіру.
Ён таксама растлумачыў сітуацыю пра стварэнне новых хаўрусаў у бяспецы ў Еўропе.
– Для гэтага было створанае NATO. Калі ляціць турэцкі бамбавік, каб французскі мог яго ў паветры падзарадзіць, і ўсё было аднолькава, і пілоты размаўлялі на адной мове. То-бок гэта ўсё больш-менш наладжана. Пытанне, у якім фармаце гэта (стварэнне новага хаўрусу, – рэд.) можа быць. На мой погляд, самы рэалістычны варыянт – проста згода Злучаных Штатаў. Таму што без амерыканскай касмічнай выведкі, без гэтага прыкрыцця ніхто нікуды, – мяркуе Кузьмін.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
