У Віцебскай вобласці выяўлены дэфіцыт асноўных прадуктаў

Крамы гандлявалі пратэрмінаванай прадукцыяй.

Сістэматычная адсутнасць шэрагу тавараў з абавязковага асартыменту выявіла пракурорская праверка ў крамах Сенненскага раёна. Як паведамляе «Еўрарадыё», нястачу абавязковага асартыменту выявілі ў большасці крамаў раёна — як прыватных, так і дзяржаўных, у тым ліку ў сетцы райспажыўтаварыства (Сенненскі філіял Віцебскага абласнога спажывецкага таварыства).

Напрыклад, у краме ў аграгарадку Белая Ліпа не было ў продажы 22 са 106 тавараў, прадугледжаных дзейным асартыментным пералікам, або 20,8%. Пракуроры не знайшлі сыроў, яек, ёгуртаў, масла, рыбы і іншых абавязковых прадуктаў.

Такія ж парушэнні выявілі ў крамах аграгарадкоў Ходцы, Машканы, Рулеўшчына і нават у самім Сянне, а таксама ў дзвюх прыватных крамах у паселішчы Багушэўск.

Пракуратура запатрабавала выправіць парушэнні і прыцягнула да адказнасці дзесяць чалавек.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com