Кітай спыніў экспарт рэдказямельных металаў
5- 14.04.2025, 10:54
- 4,658
Гэта стала адказам на падвышэнне тарыфаў з боку Трамп.
У красавіку 2025 года Кітай увёў жорсткія абмежаванні на экспарт рэдказямельных металаў і магнітаў, якія маюць ключавое значэнне для аўтамабільнай, аэракасмічнай, электроннай і абароннай прамысловасці. Гэта стала адказам на падвышэнне тарыфаў з боку адміністрацыі прэзідэнта ЗША Дональда Трампа.
З 4 красавіка экспарт сямі рэдказямельных элементаў, у тым ліку цяжкія металы, быў спынены. Гэтыя металы выкарыстоўваюцца ў вытворчасці электрамабіляў, дронаў, ракет і іншай высокатэхналагічнай прадукцыі. Кітайскія экспарцёры зараз павінны атрымліваць спецыяльныя ліцэнзіі на экспарт, працэс выдачы якіх можа заняць некалькі тыдняў ці нават месяцаў, піша The New York Times.
Пры гэтым некаторыя пастаўкі ўжо былі затрыманыя ў партах, а некаторыя кітайскія пастаўшчыкі абвясцілі форс-мажор к кантрактах з замежнымі пакупнікамі.
Гэта выклікае занепакоенасць сярод вытворцаў у ЗША, Еўропе і Японіі, якія залежаць ад гэтых матэрыялаў для сваіх вытворчых ланцужкоў.
Кітай, які забяспечвае блізу 90% сусветнага попыту на рэдказямельныя металы, ужо раней выкарыстоўваў сваю дамінантную пазіцыю ў гэтай галіне як інструмент геапалітычнага ўплыву. Новыя абмежаванні могуць яшчэ больш узмацніць напружанне ў гандлёвых стасунках паміж Кітаем і ЗША.
У адказ на гэтыя дзеянні Кітая ЗША і іх саюзнікі актывізуюць намаганні ў дыверсіфікацыі паставак рэдказямельных металаў, у тым ліку развіццё ўласных вытворчых магутнасцяў і пошук альтэрнатыўных пастаўшчыкоў.
Аднак экспэрты зазначаюць, што стварэнне незалежных ланцужкоў паставак зойме час, і ў найбліжэйшай перспектыве залежнасць ад кітайскіх паставак застанецца высокай.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
