Знялі з пасады першага намесніка Калавура, які быў у кіраўніцтве Нацбанка 12 гадоў

Яго не перавялі на іншую пасаду, а проста адправілі ў адстаўку.

Аляксандр Лукашэнка 27 сакавіка наладзіў чарговую перастаноўку кадраў. Раніцай 28 сакавіка быў афіцыйна апублікаваны шэраг указаў аб назначэннях. З аднаго з указаў стала вядома аб звальненні першага намесніка старшыні ўправы Нацыянальнага банка Сяргея Калечыца, піша «Белсат».

Ва ўказе пазначана, што Калечыц вызвалены ад пасады. У адрозненне ад некаторых іншых указаў, не пазначана, што яго пераводзяць на іншую пасаду.

Калечыц працаваў у Нацбанку з 1995 года, у 2013-м быў прызначаны намеснікам старшыні ўправы, у 2021-м - першым намеснікам старшыні ўправы.

На яго месца 27 сакавіка Лукашэнка прызначыў Аляксандра Ягорава - былога старшыню ўправы «Банка развіцця», які ўсяго год таму быў прызначаны намеснікам старшыні Адміністрацыі Лукашэнкі.

Старшыня ўправы Нацбанка змяніўся 10 сакавіка: на месца Паўла Калавура, які кіраваў Цэнтральным банкам Беларусі больш за дзесяць гадоў, быў прызначаны экс-прэм'ер Раман Галоўчанка. Экспэрты пачалі асцерагацца за Нацбанк: Калавур спрабаваў праводзіць рацыянальную палітыку, пра Галоўчанку ж Лукашэнка казаў, што той хацеў «большай уцягнутасці банка і банкаўскай сістэмы ў эканоміку».

Калавура маглі зняць з-за яго нязгоды з палітыкай выдачы крэдытаў расейскім прадпрыемствам у канцы 2024 года. Або маглі зняць за яго спробы абмежаваць выдачу крэдытаў неплатаздольным дзяржаўным прадпрыемствам. Або проста за спробы захаваць незалежнасць Нацбанка ад урада.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com