Амерыканская выведка назвала Расею пагрозай глабальным інтарэсам ЗША

Апублікаваны даклад.

Нягледзячы на тое, як і калі скончыцца вайна РФ ва Украіне, цяперашнія геапалітычныя, эканамічныя, ваенныя і ўнутрыпалітычныя тэндэнцыі Расеі гавораць пра яе ўстойлівасць і пагрозу глабальным інтарэсам ЗША, гаворыцца ў дакладзе, апублікаваным да слуханняў у камітэце сената датычна выведкі.

«Узніклая падвышаная і доўгая ваенна-палітычная напружанасць паміж Масквой і Вашынгтонам у спалучэнні з ростам упэўненасці Расеі ў сваёй перавазе на полі бою і ў абаронна-прамысловым комплексе, а таксама рызыка ядзернай вайны ствараюць як тэрміновасць, так і ўскладненні намаганням ЗША ў давядзенні вайны да прымальнага заканчэння», – гаворыцца ў паведамленні.

Амерыканская выведная супольнасць таксама прыйшла да высновы, што ўведзеныя заходнімі краінамі санкцыі і іх намаганні ў ізаляцыі Расеі заахвоцілі яе больш актыўна шукаць альтэрнатыўных партнёраў. Асабліва адзначаецца роля Кітая: на думку выведкі ЗША, Пекін, дапамагаючы ў абыходзе санкцый і экспартных абмежаванняў, што дало магчымасць расейскім уладам прадоўжыць баявыя дзеянні і захаваць моцныя пазіцыі на рынку энэрганосьбітаў, тым самым кідае глабальны выклік Вашынгтону. Важны ўнёсак таксама зрабіла супрацоўніцтва Расеі з Іранам і КНДР.

У дакладзе таксама адзначаецца, што нягледзячы на страты ў сухапутных войсках, яе флот, авіяцыя і сродкі ядзернага і няядзернага стрымлівання не пацярпелі. Больш за тое, страты нівелююцца значнымі інвестыцыямі ўраду Расеі ў ваенна-прамысловы комплекс (ВПК), праз якія расейскае войска стане «сталай пагрозай нацыянальнай бяспецы ЗША». Амерыканская выведка мяркуе, што дзякуючы павелічэнню абаронных выдаткаў і інвестыцыям у ваенна-прамысловы комплекс Расея зможа падтрымліваць высокі ўзровень вытворчасці крытычна важных узбраенняў, такіх як артылерыя, дальнабойныя ракеты, дроны-камікадзэ і планёрныя бомбы, што дасць ёй перавагу ў агнявой моцы над Украінай.

«Вайна ва Украіне дала Маскве мноства ўрокаў, якія тычацца супрацьстаяння заходняй зброі і выведных звестак ва ўмовах буйнамаштабнай вайны. Гэты досвед, верагодна, паўплывае на будучае планаванне ЗША ў абароннай сферы, у тым ліку супраць іншых спаборнікаў, з якімі Масква дзеліцца атрыманымі ўрокамі», – адзначаецца ў дакуменце. Асобную занепакоенасць у амерыканскіх выведных службаў выклікае ядзерны арсенал Расеі, які, паводле іх ацэнак, з'яўляецца «самым вялікім і разнастайным», здольны нанесці «катастрафічную шкоду» ЗША і нівелюе перавагу Захаду ў звычайных узбраеннях.

У дакладах амерыканскіх выведных службаў за 2023 і 2024 год сцвярджалася, што Расея амаль напэўна не хоча прамога ваеннага сутыкнення з ЗША ці NATO. У цяперашняй справаздачы такой ацэнкі не прыводзіцца, але гаворыцца, што ўспрыманне Масквой вайны ва Украіне як проксі-вайны з Захадам «павялічвае рызыку ненаўмыснай эскалацыі паміж Расеяй і NATO».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com