Reuters: Масква прызнала, што ЗША могуць знізіць кошт нафты да небяспечнага ўзроўню
5- 25.03.2025, 14:48
- 7,254
Як перад распадам СССР.
Цэнтральны банк Расеі папярэдзіў Крэмль аб тым, што ў ЗША і OPEC ёсць магчымасць запоўніць рынак нафтай і справакаваць паўтарэнне працяглага падзення цэн, як у 1980-х гадах, якое ў свой час садзейнічала раскіданню Савецкага Саюза.
Аб гэтым піша Reuters. Агенцтва спасылаецца на прэзентацыю, якую расейскі ЦБ падрыхтаваў для нарады пад старшынствам расейскага прэм'ер-міністра Міхаіла Мішусціна.
Як зазначаецца ў матэрыяле, у сваіх папярэдніх дакладах, цэнтральны банк таксама ўказваў на нафтавыя цэны як на адну з рызык для расейскай эканомікі, але ніколі не быў настолькі канкрэтным наконт таго, як менавіта можа ўзнікнуць працяглы цыкл нізкіх цэн нафты.
Гэтым разам адзначаецца, што сярод рызык з'яўляецца "значнае павелічэнне здабычы ў Злучаных Штатах і па-за OPEC".
Рэзервовыя магутнасці OPEC зараз блізкія да рэкордна высокага ўзроўню і роўныя аб'ёму экспарту расейскай сырой нафты, гаварылася ў прэзентацыі.
Гістарычна, калі кошт нафты падаў, расейская (а да яе - савецкая) эканоміка перажывае сур'ёзныя ўзрушэнні:
падзенне коштаў нафты ў 1980-х гадах спрыяла раскіданню Савецкага Саюза;
у 1998 годзе Расея абвясціла дэфолт у вонкавым абавязку пасля падзення коштаў да $10 за барэль;
у 2008 годзе Расеі давялося выкарыстоўваць фіскальныя і рэзервовыя буферы для стабілізацыі эканомікі.
Бюджэт Расеі на 2025 год разлічаны на цану нафты $69,7 за барэль. Калі кошты ўпадуць ніжэй за гэты ўзровень, гэта будзе ствараць дэфіцыт бюджэту.
Цяпер нафта прадаецца на ўзроўні блізу $70 за барэль, што з'яўляецца камфортным для Расеі.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
