У Менску адкрываецца крама мэблі з таварамі IKEA

Але ёсць нюанс.

У Prizma на станцыі метро "Партызанская" адкрыецца "адная з самых вялікіх у краіне" крамаў беларускай сеткі Swed House, у якой нібыта прадаюцца тавары брэнда IKEA, які пайшоў з беларускага рынку ў пачатку вайны ва Украіне.

Аб гэтым піша Myfin.by са спасылкай на кампанію-дэвелапера "Сігмаполюс". Паведамляецца, што новая крама Swed House прапануе тавары IKEA і вырабы ўласнай вытворчасці ад фабрык, якія раней супрацоўнічалі са швэдскім брэндам.

«Усе тавары будуць вытрыманыя ў стылі мінімалізму і адпавядаць высокай якасці вядомай маркі», – паведамляе кампанія, дапаўняючы, што на ўсе пазіцыі застануцца даступныя цэны.

У ГЗЦ разлічваюць, што з новай крамай напаўняльнасць перавысіць 84%, а гэта «адзін з самых высокіх паказчыкаў у гісторыі гандлёвай нерухомасці ў Менску».

Пасля сыходу IKEA і Jysk з расейскага і беларускага рынкаў кампанія «Мэрдэм», уладальнік беларускага брэнда Swed House, вельмі хутка разабралася з новай кан'юнктурай. Яна звязалася з вытворцамі прадукцыі, якія выраблялі яе для IKEA, і пачала рабіць такую ж прадукцыю, але ўжо пад уласным брэндам. Так бы мовіць, «тавары-аналагі».

У размове з «Белсатам» прадстаўнікамі кампаніі «Мердэм» у 2023 годзе падкрэслівалі, што тавары пад брэндам Swed House не з'яўляюцца таварамі з IKEA, як часта сцвярджаюць шыльды на саміх крамах. Гэта значыць «нейкія нязначныя адрозненні ў іх усё ж ёсць, але, не ведаючы падрабязнасцяў, пакупнік не адрозніць адразу тавар Swed House ад тавару «IKEA».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com