ЦАХАЛ аднавіў паветраныя ўдары па цэлях у Газе

Ізраіль заявіў аб зрыве ўгоды з ХАМАС.

Уночы з панядзелка на аўторак ізраільскае войска нанесла паветраныя ўдары па цэлях у сектары Газа, паведамляюць інфармацыйныя агенцтвы. Міністр абароны Ізраілю Ісраэль Кац заявіў аб тым, што Ізраіль "аднавіў баявыя дзеянні", паведамляе "Радыё Свабода".

Паводле слоў прэм'ер-міністра Ізраіля Біньяміна Нетаньяху, ён аддаў загад аб паветраных ударах у адказ на адсутнасць прагрэсу ў перамовах аб прадаўжэнні рэжыму спынення агню. У заяве міністра абароны Ізраілю гаворыцца аб тым, што баявыя дзеянні не спыняцца да таго часу, "пакуль нашы закладнікі не будуць вернутыя дадому і мы не дасягнём усіх мэт у гэтай вайне".

У заяве групоўкі ХАМАС, прызнанай тэрарыстычнай у ЗША і Еўразвязе, гаворыцца аб тым, што парушэнне Ізраілем дамовы аб спыненні агню ставяць пад пытанне лёс “зняволеных у Газе”.

Прадстаўнік Белага дома Кэралайн Левіт паведаміла аб тым, што Ізраіль папярэдне паведаміў адміністрацыі Трампа аб намеры нанесці паветраныя ўдары.

Інфармацыйныя агенцтвы цытуюць свае крыніцы ў ізраільскім кіраўніцтве, якія кажуць, што аб'ектамі ўдараў сталі камандзіры ХАМАС сярэдняга ўзроўню, кіраўніцтва групоўкі і яе інфраструктура. Яны мяркуюць, што паветранымі ўдарамі гэтая аперацыя не абмяжуецца.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com