Хатняя нарыхтоўка Лукашэнкі не мела поспеху

Крэмль указаў дыктатару на ягонае месца.

Палітолаг Валерый Карбалевіч у артыкуле для “Позiрка” звяртае ўвагу на цікавы эпізод, які адбыўся на прэс-канферэнцыі пасля перамоў Лукашэнкі з Пуціным 13 сакавіка. Падчас старанна падрыхтаванага мерапрыемства ўзнікла няёмкая сітуацыя. Беларуская журналістка з дзяржаўнага тэлеканала задала пытанне, ці гатова Расея ўлічваць інтарэсы Беларусі падчас мірных перамоў.

Відавочна, гэта была хатняя нарыхтоўка. Пытанне вынікала з таго кантэксту, які быў зададзены ранейшымі заявамі Лукашэнкі. Так 17 кастрычніка 2024 года ён заявіў:

“Я заўсёды намагаў, і ўкраінцам гавару пра гэта, і расейцам, Пуціна папярэдзіў, што на перамовах аб Украіне павінны прысутнічаць беларусы. Чаму? Бо гэта нашая праблема. Я не хачу, каб там разглядаліся пытанні - нашы пытанні - без нас. <…> Могуць прыняць такія пастановы, што заўтра палову краіны давядзецца аддаць”.

Як вядома, Лукашэнка з самага пачатку вайны прапануе правесці перамовы аб міры ў Беларусі, прэтэндуе на ролю пасярэдніка і ўдзельніка гэтага мірнага працэсу. У інтэрв'ю Наўфалу ён заклікаў Дональда Трампа, Пуціна і Уладзіміра Зяленскага прыехаць у Менск. Гэтыя ж матывы прагучалі і падчас размовы са Скабеевай.

Можна меркаваць, што згодна са сцэнаром, распрацаваным у Менску, Пуцін у гэтым сюжэце павінен быў пацвердзіць неабходнасць удзелу Беларусі ва ўсіх перамовах аб міры ва Украіне.

Аднак той сапсаваў дабратворную карціну, намаляваную ў Менску, не падыграў беларускай старане. Расейскі дыктатар шчыра сказаў, што не зразумеў пытання, хаця і заявіў, што, маўляў, Расея заўсёды ўлічвае інтарэсы свайго найбліжэйшага супольніка на міжнародных пляцоўках.

А Лукашэнка, робячы добрую міну пры дрэннай гульні, паспяшаўся сказаць: "Я на перамовы не рвуся". Тры гады імкнуўся арганізаваць перамовы ў Беларусі, а зараз раптам перадумаў.

І гэтая сітуацыя вельмі добра ілюструе тое месца, якое Расея адводзіць Беларусі. Месца і роля інструмента ў правядзенні сваёй вялікадзяржаўнай палітыкі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com