«У беларускай эканомікі ўсяго адзін недахоп - і ўсе ведаюць, як яго клічуць»

Зноў паехаў жабраваць у Пуціна.

Ведаеш, навошта сёй-той паехаў да Пуціна? Каб не займацца з ім ніякім утрыманствам. Бо сёй-той усялякім бывае займаецца, а каб утрыманствам дык ніколі. Ён сам сказаў. Няма, кажа, у мяне такой звычкі. Ніколі, кажа, я ніякім утрыманствам з Расеяй не займаўся, а займаўся з Расеяй толькі раўнапраўным і ўзаемавыгадным супрацоўніцтвам.

Таму сёй-той у Пуціна вось даслоўна наогул ні пра што не прасіў. А толькі расказаў пра тое, якія ў яго добрыя НПЗ. Мадэрнізаваныя паводле апошняга слова самых перадавых тэхналогій. Выбітныя творы сацыяльна-арыентаванай рынкавай мадэлі. Такія заводы ўвогуле мала ў каго ёсць. Калі б ты глядзела тэлевізар, ты б ведала, якія ў нас цудоўныя заводы.

Таму сёй-той так Пуціну і сказаў: «Слухай, зрабі так, я кажу, каб гэтыя заводы не былі стратныя». І пагадзіся, гэта ж сапраўды бязладдзе нейкае атрымліваецца, калі ў такіх выбітных і годных заводаў ніякіх прыбыткаў няма, а ёсць толькі страты.

А ўсё чаму? Бо раней Расея даплачвала беларускім заводам за тое, што беларускія заводы набывалі ў яе нафту. І гэта было справядліва. Бо калі Расея даплачвала беларускім заводам за тое, што беларускія заводы набывалі ў яе нафту, у беларускіх заводаў з прыбыткамі было ўсё вельмі добра. А потым Расея перастала даплачваць і з прыбыткамі ўсё стала не надта.

І хто, пытаецца, у гэтым вінаваты? Не адказвай. Гэта было рытарычнае пытанне. Вось хто вінаваты, той зараз няхай і выпраўляе. Бо не гаранту ж гэтым займацца. Таму гарант сказаў, каб Пуцін адліў яму таннай нафты.

А там, дзе танная нафта, там жа павінна прарваць і танным газам. А пагадзіся, што ад таннага газу, без танных крэдытаў, няма ніякай практычнай карысці. Таму сёй-той Пуціну так і сказаў, што за вашыя грошы, ён гатовы сам сабе пабудаваць хоць чыгунку ў Ленінградскай вобласці, хоць другую атамную станцыю. Таму што электрычнасці ад першай атамнай станцыі ў кагосьці шмат і ён гатовы гэтай электрычнасцю забяспечваць якія-небудзь расейскія рэгіёны. Рынкавымі, вядома, расцэнкамі.

Ну, а што ты сабе думала? У Пуціна танных нафты, газу і крэдытаў заваліся, а ў кагосьці без танных нафты, газу і крэдытаў эканамічная стабільнасць крышку кульгае. Вось так, стабільнасць у яго добрая. Але крышку кульгае.

Таму што беларуская эканоміка - гэта ж выбітны феномен. У беларускай эканомікі ёсць тысяча добрых якасцяў і літаральна ўсяго адзін маленькі недахоп. І я нават не буду табе казаць, як яго клічуць.

Тэлеграм-канал «Письма к дочери»

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com