У Паўночнай Македоніі падчас пажару ў начным клубе загінуў 51 чалавек

Што стала прычынай?

У горадзе Качані ў Паўночнай Македоніі адбыўся пажар у начным клубе падчас дыскатэкі. Загінулі сама меней 50 чалавек, піша «Радыё Свабода Еўропа» са спасылкай на мясцовыя медыя.

Пажар пачаўся позна ўвечары 15 сакавіка. Узгаранне адбылося праз выкарыстанне піратэхнікі на сцэне падчас выступу гурта DNA. У той момант у клубе знаходзілася амаль 1500 чалавек.

Паводле звестак МУС, загінуў 51 чалавек, больш за сто, у тым ліку непаўналетнія, шпіталізаваныя. Для эвакуацыі пацярпелых прыцягнулі брыгады хуткай дапамогі з іншых гарадоў, а таксама верталёт, які дастаўляў людзей у шпіталі ў Скоп'і і Шпітэ. Многія ў выніку пажару атрымалі цяжкія апёкі твару, шыі і рук, а таксама атручэнні дымам.

- Мы цесна супрацоўнічаем з пракуратурай і ўсімі іншымі органамі, мы працуем крок за крокам, каб цалкам раскрыць гэтую трагедыю, - сказаў міністр унутраных спраў Паўночнай Македоніі Панчэ Ташкоўскі. Ён дадаў, што «ўсе павінны несці маральную адказнасць» за тое, што здарылася, а вінаватыя, уключаючы арганізатараў, паўстануць перад судом.

З раніцы пасля здарэння ў клубе сабралася вялікая колькасць сваякоў і сяброў людзей, якія былі на канцэрце. Мясцовыя жыхары адчайна шукалі сваіх блізкіх. «Чырвоны Крыж» на месцы складае спісы для ўстанаўлення асобаў загінулых.

У заяве пракуратуры Паўночнай Македоніі гаворыцца, што на месцы працуюць «усе кампетэнтныя службы». Распачатае расследаванне.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com