Кошт нафты Urals набліжаецца да крытычнага пункта для бюджэту РФ

Нафта гандлюецца на самым нізкім узроўні за апошнія 14 месяцаў.

Кошт расейскай нафты прадаўжае зніжацца, абяцаючы «галаўны боль» ураду, які забяспечвае сыравіннай рэнтай кожны трэці рубель у бюджэце.

Як паведамляе Reuters, гатунак Urals – галоўная экспартная марка расейскіх нафтавікоў – патаннеў да $ 54 за бараль, што стала самым нізкім узроўнем за апошнія 14 месяцаў. Пры адгрузцы з партоў Балтыйскага мора партыі Urals у аўторак, 11 сакавіка, прадаваліся за $53,95 за бочку, а ў Новарасійску на Чорным моры – за $55,94.

У параўнанні з сярэдзінай студзеня, калі Urals на Балтыцы адгружалі за $70 і даражэй, расейская нафта патаннела на 23%, а датычна ўзроўняў лістапада і снежня – больш як на 10%. У выніку яе цяперашнія каціроўкі ўжо больш чым на 20% адстаюць ад закладзенага ў бюджэт узроўню – $ 69,7 за бараль.

Да «крытычнага» з пункту гледжання бюджэту ўзроўню Urals засталося зусім няшмат – гэта $50 за бараль, ацэньвае Яўген Сувораў, эканаміст банка Цэнтракрэдыт. Калі кошт упадзе ніжэй, ураду давядзецца пачынаць секвестр выдаткаў, хоць «незразумела, як гэта зрабіць пры ваенных дзеяннях, якія прадаўжаюцца», адзначае ён.

З нафтай, ніжэйшай за $60, паводле бюджэтнага правіла, урад будзе выдаткоўваць на пакрыццё дэфіцыту ФНБ, нагадвае эканамістка «Фінама» Вольга Беленькая. Аднак вольных грошай у фондзе засталося так мала, як не было яшчэ ніколі з моманту яго стварэння ў 2008 годзе – $37,5 млрд у выглядзе кітайскіх юаняў і золата, паведамляе The Moscow Times.

З пачатку вайны «скарбонка» Мінфіна скарацілася ўтрая пасля таго, як 6,5 трлн рублёў былі кінутыя на латанне бюджэтных дзірак і падтрымку дзяржкарпарацый, якім спатрэбілася выратаванне ад санкцый і сродкі на мегапраекты Крамля.

З коштам нафты да $50 за бараль ФНБ хопіць на год, ацэньвае Беленькая. Але сітуацыю для бюджэту пагаршае моцны рубель, паказвае Сувораў: курс даляра замацаваўся ніжэй за адзнаку 90, хоць у праект казны закладвалі 96,5.

Нафтагазавыя прыбыткі бюджэту ўжо рэзка зніжаюцца, вынікае з звестак Мінфіна: у лютым спад склаў 18%, да 771,3 млрд рублёў. У выніку дэфіцыт казны за два месяцы больш чым удвая перавысіў гадавы план: 2,7 трлн рублёў, ці 1,3% ВУП, супраць 1,2 трлн, ці 0,5% ВУП.

Укласціся ў запланаваны дэфіцыт ва ўраду, хутчэй за ўсё, не атрымаецца, папярэдзіў 4 сакавіка намеснік міністра фінансаў Уладзімір Колычаў. Паводле ягоных словаў, «дзірка» ў казне можа быць большай, чым чакалася, на велічыню да 1% ВУП, што адпавядае блізу 2 трлн рублёў у грашовым выразе.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com