Віцэ-прэзідэнт ЗША Вэнс зрабіў заяву пасля сустрэчы з Зяленскім

ЗША маюць намер «давесці справу да канца».

ЗША хочуць, каб вайна Расеі супраць Украіны закончылася. Пры гэтым неабходны доўгі мір.

Як паведамляе РБК-Украіна, пра гэта пасля сустрэчы з прэзідэнтам Украіны Уладзімірам Зяленскім заявіў віцэ-прэзідэнт ЗША Джэй Ды Вэнс.

– Мы хочам, каб скончылася вайна, мы хочам, каб забойствы спыніліся, але мы хочам дасягнуць доўгага міру, а не канфлікту ў Еўропе праз некалькі гадоў, – адзначыў віцэ-прэзідэнт ЗША.

Вэнс удакладніў, што быў праведзены шэраг «добрых дыялогаў», як дасягнуць доўгага міру разам. І такіх дыялогаў будзе яшчэ больш у найбліжэйшыя дні, тыдні і месяцы.

Таксама ў віцэ-прэзідэнта пацікавіліся, якія будуць далейшыя дзеянні, калі Украіна будзе не гатовая садзіцца за стол перамоваў з Расеяй.

Паводле словаў Вэнса, у гэтым пытанні «ўжо ёсць прасоўванне наперад».

«Па-першае, ёсць цудоўныя ўдзельнікі ўкраінскай дэлегацыі. Ёсць наш неверагодны дзяржсакратар Марка Рубіё, ёсць генерал Келаг (спецпрадстаўнік прэзідэнта ЗША датычна Украіны і Расеі Кіт Келаг – рэд.). Для нас важна сабрацца разам і пачаць размаўляць», – адзначыў віцэ-прэзідэнт.

Таксама ён дадаў, што перамовы неабходныя, каб «давесці справу да канца».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com