Кіраўнік Офіса прэзідэнта Украіны сустрэўся са спецпрадстаўніком Трампа

Падчас сустрэчы Ярмак заявіў, што РФ спыняецца не тады, калі абяцае, а калі вымушаная гэта зрабіць.

Кіраўнік офіса прэзідэнта (АП) Украіны Андрэй Ярмак сустрэўся са спецыяльным прадстаўніком прэзідэнта ЗША Дональда Трампа ў пытаннях Расеі і Украіны Кітам Келагам на палях Мюнхенскай канферэнцыі бяспекі (MSC) у пятніцу, 14 лютага. Аб гэтым паведамляецца на сайце прэзідэнта Украіны.

Галоўнай тэмай сустрэчы была названая «каардынацыя працы для дасягнення працяглага міру». Падчас гутаркі Ярмак заявіў Келагу, што «Пуцін ніколі не гуляе паводле правіл» і заклікаў яго «не даць сябе падмануць». «Расейцы заўсёды кпілі з Захаду, але заўсёды яго капіявалі. Іх цяперашні «паварот на Усход» - не глыбокая культурная змена, а тактычны ход для дасягнення сваіх мэт. Расейцы паважаюць толькі сілу і пагарджаюць тымі, хто яе не ўжывае. Расея спыняецца не тады, калі абяцае, а калі змушаная гэта зрабіць», - сказаў ён.

У паведамленні на сайце прэзідэнта Украіны гаворыцца, што асаблівую ўвагу перамоўнікі надалі працягу падтрымкі Украіны. Акрамя таго, кіраўнік ОП заявіў, што «ўсе дамоўленасці без моцнага прымусу Расеі не будуць працаваць», бо, з яго слоў, «кантроль над Украінай з'яўляецца асновай імперскіх амбіцый РФ».

Ярмак і Келаг абмеркавалі таксама падрыхтоўку сустрэч на вышэйшым узроўні і візіт апошняга ва Украіну.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com