Сенатар Ліндсі Грэм: У 2014-м годзе ЗША замест зброі давалі Украіне коўдры
10- 14.02.2025, 18:55
- 7,246
Але зараз ёсць магчымасць зрабіць тое, што не было зроблена тады.
У 2014 годзе ЗША абмежаваліся толькі перадачай гуманітарнай дапамогі для Украіны. Аднак зараз ёсць магчымасць зрабіць тое, што не было зроблена тады.
Пра гэта паведамляе РБК-Украина са спасылкай на заяву сенатара-рэспубліканца ЗША Ліндсі Грэма падчас Мюнхенскай канферэнцыі.
«Што мы зрабілі не так у 2014 годзе? Мы не давалі Украіне зброі, мы давалі ім коўдры. У нас не было палітыкі перадачы вам таго, што было неабходнае для абароны. Мы нічога не казалі аб наступствах магчымага ўварвання», - растлумачыў сенатар рэспубліканец.
Ён адзначыў, што тады Амерыка страціла шанец інтэграваць сваю эканоміку, а таксама правесці перамовы аб мінералах.
«Тое, што варта было зрабіць яшчэ ў 2014 годзе, мы можам зрабіць хаця б цяпер», - сказаў ён.
Украінскія «рэдказема»
Заўважым, што ў плане перамогі Украіны, які прадставілі партнёрам, быў пункт наконт украінскіх выкапняў. Украіна прапануе партнёрам, напрыклад, ЗША, укладваць сродкі ў здабычу рэдказямельных металаў, паклады якіх ёсць ва Украіне.
ЗША ўжо распрацавалі пагадненне аб партнёрстве для Украіны па рэдказямельных металах. Міністр фінансаў ЗША Скот Бэсэнт перадаў яго ўкраінскаму боку.
РБК-Украіна даведалася, што Украіна дапрацавала праект пагаднення, яго перадалі ўжо прадстаўнікам ЗША. Ва ўкраінскай дэлегацыі на Мюнхенскай канферэнцыі бяспекі адзначылі, што амерыканскі бок папрасіў час да 17:00, каб папрацаваць з праектам.
Паводле інфармацыі заходніх СМІ, паводле дамовы Украіна выдзеліць ЗША рэдказямельныя металы на 500 млрд даляраў. Гэта будзе ўважацца за аплату за вайсковую дапамогу, нададзеную Украіне.
Нагадаем, што ва Украіне ёсць паклады графіту, урану, тытана і літыя. Гэтыя рэдказямельныя металы з'яўляюцца стратэгічна каштоўнымі.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
