Віцэ-прэзідэнт ЗША жорстка раскрытыкаваў еўрапейскіх лідараў
38- 9,018
Джэй Ды Вэнс заявіў, што «Еўропа адыходзіць ад агульных каштоўнасцяў».
Віцэ-прэзідэнт ЗША Джэй Ды Вэнс раскрытыкаваў кіраўніцтва Еўрапейскага Звязу, заявіўшы, што найбольшую пагрозу для Еўропы ўяўляе не замежны ўплыў, а «адыход ад агульных з ЗША каштоўнасцей».
Аб гэтым ён заявіў у пятніцу, 14 лютага, падчас Мюнхенскай канферэнцыі бяспекі, паведамляе The Guardian.
«Пагроза для Еўропы не Расея, не Кітай, а не якія-небудзь іншыя вонкавыя фактары. Мяне хвалюе бяспека знутры, адыход Еўропы ад некаторых яе найважнейшых каштоўнасцяў, якія падзяляе ЗША», - сказаў ён.
Ён раскрытыкаваў былога еўракамісара (мяркуецца, Цьеры Брэтана), які, з яго слоў, «нядаўна выступіў на тэлевізіі і з задавальненнем заявіў, што Румыніі скасавалі вынікі выбараў», а таксама намякнуў, што такое можа адбыцца ў Нямеччыне.
«Такія легкадумныя заявы шакуюць амерыканцаў», – адзначыў віцэ-прэзідэнт ЗША.
Таксама Вэнс заявіў, што хоча зразумець, за што выступае Еўропа і «што менавіта вы абараняеце».
«Калі вы ўцякаеце ад уласных выбарцаў, Амерыка нічым не зможа вам дапамагчы. Больш за тое, вы таксама не зможаце зрабіць нічога для амерыканцаў, якія выбралі мяне і прэзідэнта Трампа», - дадаў ён.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
