У Беларусі раздаліся выбухі: на Гомель упаў БПЛА

Выбухі былі чуваць як у самім Гомелі, так і ў наваколлі.

У Беларусі ў раёне горада Гомель уначы 13 лютага былі чуваць выбухі, а таксама фіксавалася ў небе падзенне аб'екта, які гаэў. Гэта адбылося на фоне чарговага расейскага ўдару дронамі па Украіне.

Пра гэта паведамляе РБК-Украіна са спасылкай на мясцовыя суполкі і Telegram-каналы.

Як пішуць у гомельскіх сацсетках, аб падзенні абломкаў паветранай цэлі або цэляў на зямлю расказалі жыхары цэнтральнай і паўночна-ўсходняй часткі горада.

«А 00:32 над Гомелем адбылося збіццё лятальнага аб'екта. Падзенне па часе супала з масаваным паветраным нападам Расеі па тэрыторыі Украіны. Пад ударам у тым ліку суседняя Чарнігаўская вобласць», - гаворыцца ў публікацыі ТГ-канала «Флагшток – Гомельшчына».

Акрамя таго, гэтай ноччу ў сетцы паказалі кадры, на якіх з розных лакацый відаць вялікі яркі аб'ект і некалькі меншых, якія падаюць з неба ўніз і, магчыма, гарць. Заяўлена, што гэта адбываецца ў Гомелі.

Таксама адзначаецца, што выбухі нібыта былі чутныя як у самім Гомелі, так і ў ваколіцах.

Між тым расейскія медыі расказваюць пра нібыта «прылёты» ў сёлах Раманавічы, Новая Беліца і ў мікрараёне Волатаў.

У пабліках паведамляюць, што жыхары Гомеля таксама чулі гукі, характэрныя для беспілотнікаў, нейкія "бавоўны", што напалохала грамадзян.

У сеціве выказваюць меркаванне, што некаторыя расейскія «Шахеды», якія краіна-агрэсарка сёння запусціла для ўдараў па тэрыторыі Украіны, «заблукалі» і апынуліся над Гомелем. Пранікненне расейскіх дронаў-камікадзэ ў паветраную прастору Беларусі адбывалася і раней.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com