На Лукашэнку ва Украіне падалі ў суд

Ад яго патрабуюць значную суму.

Ва Украіне ў суд падалі пазоў супраць Аляксандра Лукашэнкі. Таксама адказчыкамі па субсідыярным пазове значацца Расея, Уладзімір Пуцін, Беларусь, Іран і Паўночная Карэя. Грамадская арганізацыя «ДрукАрмія» патрабуе ад іх кампенсаваць маральную шкоду, прычыненую грамадзянам Украіны ў выніку поўнамаштабнай расейскай агрэсіі, паведамляе «Радыё Свабода».

У якасці трэціх асоб аўтар пазову просіць далучыць Кабінет міністраў Украіны, урада ЗША, Вялікай Брытаніі, Францыі, Кітая, ААН, Еўракамісію, а таксама амерыканскую тэхналагічную кампанію Alphabet Inc і ICANN – Карпарацыю па кіраванні даменнымі імёнамі.

У пазове з Расеі, Беларусі, Ірана і Паўночнай Карэі патрабуюць выплаціць украінцам 1,9 дэцыліярда грыўняў (лічба на 37 знакаў). Праўда, разлікі, на падставе якіх вызначаная такая сума кампенсацыі, у пазове не прыводзяцца.

Суд прапанаваў пазоўніку выправіць памылкі і даплаціць судовы збор. Ён залежыць ад сумы выстаўленай прэтэнзіі і складае 1,5 адсотка ад агульнай сумы пазову або не менш як адна сума пражытковага мінімуму і не больш як 350 сумаў пражытковага мінімуму для працаздольных людзей.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]