Домрачава гатова ўзначаліць зборную Беларусі па біятлоне

Але пры адной умове.

Чатырохразовая алімпійская чэмпіёнка па біятлоне Дар’я Домрачава у інтэрв’ю выданню news.ru заявіла, што гатова разгледзець прапанову ўзначаліць зборную Беларусі. Аднак адзначыла, што галоўнай умовай для такой працы з’яўляецца магчымасць падарожнічаць з сям’ёй.

«Быць трэнерам — вельмі цікава, адчуваеш цудоўныя эмоцыі, калі бачыш, як прагрэсуюць твае спартсмены. У той жа час гэтая прафесія, асабліва ў біятлоне, звязаная з доўгімі ад’ездамі з дому, працяглымі зборамі.

У нас у сям’і двое маленькіх дзяцей — час з імі, з сям’ёй для мяне сёння ў прыярытэце. Калі працу трэнера можна сумяшчаць з падарожжамі ўсёй сям’ёй, як гэта ў нас атрымлівалася ў Кітаі, — такія варыянты можна разглядаць», — сказала Домрачава.

З 2019 па 2022 год Дар’я Домрачава разам са сваім мужам, знакамітым нарвежскім біятланістам Уле-Эйнарам Б’ёрндаленам, узначальвала нацыянальную каманду Кітая перад зімовымі Алімпійскімі гульнямі ў Пекіне. Пара выхоўвае двух дачок — 9‑гадовую Ксенію і 2‑гадовую Міру.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]