Лукашэнка падаўжыў бязвіз для грамадзян 38 краін Еўропы

Да канца наступнага года.

Аляксандр Лукашэнка падаўжыў бязвізавы рэжым уезду ў Беларусь для грамадзян 38 еўрапейскіх дзяржаў да 31 снежня 2026 года.

«Умовы бязвізавага ўезду застаюцца ранейшымі. Грамадзяне гэтых краін могуць перасякаць дзяржаўную мяжу Беларусі праз усе аўтадарожныя і чыгуначныя міжнародныя пункты пропуску, выкарыстоўваючы сапраўдныя дакументы для выезду за мяжу. Тэрмін знаходжання ў Беларусі складае не больш за 30 сутак з дня ўезду, а для грамадзян Польшчы, Літвы, Латвіі і асоб, якія маюць статус неграмадзяніна Латвіі, — не больш за 90 сутак», — паведамляе прэс-служба Лукашэнкі.

Правам бязвізавага ўезду можна карыстацца неабмежаваную колькасць разоў, пры гэтым агульная колькасць дзён знаходжання па бязвізе не павінна перавышаць 90 дзён у каляндарным годзе.

«Захоўваецца таксама бязвізавы парадак уезду праз аэрапорты Беларусі. Замежныя грамадзяне, якія прыбылі ў бязвізавым парадку, могуць следаваць транзітам праз краіну, уключаючы паветраныя пункты пропуску, у трэція дзяржавы, за выключэннем Расіі», — дадалі ў прэс-службе.

Дадзены парадак не распаўсюджваецца на ўладальнікаў дыпламатычных, службовых, спецыяльных і прыраўнаваных да іх пашпартоў. Уладальнікі біяметрычных дыпламатычных пашпартоў дзяржаў-членаў ЕС могуць уязджаць, выязджаць і следаваць транзітам праз Беларусь без віз у адпаведнасці з Пагадненнем паміж Беларуссю і ЕС аб спрашчэнні выдачы віз.

Бязвіз распаўсюджваецца на грамадзян 38 краін Еўропы: Літвы, Латвіі (а таксама асоб, якія маюць статус неграмадзяніна Латвіі), Польшчы, Аўстрыі, Андоры, Бельгіі, Балгарыі, Босніі і Герцагавіны, Ватыкана, Вялікабрытаніі і Паўночнай Ірландыі, Венгрыі, Грэцыі, Даніі, Ірландыі, Ісландыі, Іспаніі, Італіі, Кіпра, Ліхтэнштэйна, Люксембурга, Мальты, Манака, Нідэрландаў, Нарвегіі, Партугаліі, Румыніі, Сан-Марына, Паўночнай Македоніі, Славакіі, Славеніі, Фінляндыі, Францыі, Германіі, Харватыі, Чэхіі, Швейцарыі, Швецыі і Эстоніі (у тым ліку асоб без грамадзянства, якія пастаянна пражываюць у Эстоніі).

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]