ЕС дапаможа аднавіць энергетыку Украіны
- 8.12.2025, 17:44
Гаворка не толькі пра фінансаванне.
Еўрасаюз працягне аказваць Украіне дапамогу пасля ўдараў РФ па энергетыцы. Пра гэта заявіла прэс-сакратар Еўрапейскай камісіі Ганна-Кайса Ітконен, перадае «Укрынформ».
«Хачу яшчэ раз падкрэсліць, што Еўрапейская камісія цвёрда падтрымлівае Украіну і Малдову на фоне гэтых пастаянных атак. Расія ўжо шмат гадоў мэтанакіравана і сістэматычна наносіць удары па ўкраінскай энергетычнай інфраструктуры, і апошнія атакі на гэтым тыдні прывялі да некалькіх адключэнняў электраэнергіі, якія паўплывалі на абедзве краіны — Украіну і Малдову. Яны паказваюць, як Масква працягвае выкарыстоўваць зіму як зброю», — адзначыла яна.
Спікер пацвердзіла абавязацельствы ЕС паскорыць дапамогу Украіне і Малдове.
«Мы працуем над інтэграцыяй іх энергасістэм у нашу сетку, фінансаваннем рамонтных прац і ўмацаваннем устойлівасці да такой агрэсіі», — патлумачыла Ітконен, дадаўшы, што ЕС цесна кантактуе з украінскімі і малдаўскімі ўладамі, а таксама з дэлегацыямі ЕС у абедзвюх краінах.
Спікер нагадала, што Малдова таксама сутыкнулася з дэфіцытам электраэнергіі з-за расійскіх удараў па ўкраінскай энергетычнай інфраструктуры, атрымлівае падтрымку ад Румыніі ў выглядзе тэрміновага экспарту электраэнергіі і экстрэннай дапамогі для стабілізацыі сеткі і прадухілення гуманітарнага крызісу.
«Малдове пакуль удаецца пакрываць попыт пры падтрымцы Румыніі, у той час як Украіна знаходзіцца ў сітуацыі, калі ёй даводзіцца ўводзіць абмежаванні нагрузкі на працягу некалькіх гадзін», — падсумавала яна.
Пасля масіраванага ўдару РФ па энергетычнай інфраструктуры Украіны 6 снежня Малдова звярнулася да Румыніі па дапамогу.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
