Беларуская пенсіянерка аддала махлярам 100 000 рублёў

Яна паверыла ў папулярную схему падману.

Пенсіянерка з Мінскага раёна стала ахвярай махляроў, якія дзейнічалі паводле знаёмай схемы. Ёй патэлефанавалі фэйкавыя «супрацоўнікі» «Белтэлекама» і падманам прымусілі перадаць грошы — жанчына аддала невядомым больш за 100 000 рублёў, паведамляе тэлеграм-канал «Міліцыя Мінска».

Махляры дзейнічалі паводле добра адпрацаванай схемы, пра якую мы пісалі не раз. Беларусцы патэлефанавалі невядомыя і прадставіліся супрацоўнікамі «Белтэлекама». Пад выглядам падаўжэння дамовы яны вывудзілі пашпартныя даныя жанчыны. Праз пэўны час з пенсіянеркай звязаўся чалавек, які прадставіўся супрацоўнікам праваахоўных органаў, — ён заявіў, што яна размаўляла з махлярамі, якія ўжо выкарыстоўваюць яе даныя і ад яе імя здзяйсняюць незаконныя фінансавыя аперацыі. Жанчыну напалохалі магчымым крымінальным пераследам і запатрабавалі выконваць інструкцыі. Потым да размовы падключыўся нібыта работнік банка, які пераканаў беларуску перадаць усе свае зберажэнні для «дэкларавання» і абяцаў усё вярнуць.

Як паведамляецца, жанчына аддала прыбыламу кур’еру больш за 100 000 рублёў у эквіваленце, пасля чаго з ёй перасталі выходзіць на сувязь. Супрацоўнікі праваахоўных органаў распачалі крымінальную справу.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]