У Беларусі могуць павысіць кошт атрымання вадзіцельскага пасведчання

МУС Беларусі таксама прапануе павялічыць колькасць гадзін навучання навыкам кіравання.

У Беларусі можа павялічыцца кошт атрымання вадзіцельскага пасведчання, піша газета «Рэспубліка».

Атрыманне вадзіцельскага пасведчання суправаджаецца шэрагам выдаткаў для будучага вадзіцеля. Медкамісія (35 - 60 беларускіх рублёў у залежнасці ад медыцынскай установы), кошт навучання (ад 1200 да 2200 у залежнасці ад рэгіёна), пераздачы, аплата дзяржаўнай пошліны, а таксама выдаткі на дадатковыя заняткі і матэрыялы складаюць артыкул выдаткаў на шляху да атрымання вадзіцельскага пасведчання.

Пры гэтым МУС Беларусі прапануе павялічыць колькасць гадзін навучання навыкам кіравання з 50 да 70.

Змены ў праграме падрыхтоўкі ўжо разглядаюцца на ўзроўні профільных ведамстваў. Калі рашэнне будзе прынятае, кошт атрымання вадзіцельскага пасведчання ў Беларусі можа павялічыцца.

Плануецца павелічэнне колькасці практычных заняткаў да 70 гадзін, больш актыўнае ўкараненне інтэрактыўных трэнажораў для павышэння якасці рэальных навыкаў кіравання і зніжэння колькасці паўторных спроб на экзаменах. Бясспрэчна, узмацненне праграмы пацягне за сабой рост кошту навучання.

— У бліжэйшыя месяцы варта быць гатовымі да магчымай змены цэн, — гаворыцца ў артыкуле.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]