Навукоўцы: Прыгажосць эканоміць рэсурсы мозгу
5- 3.12.2025, 13:47
- 2,008
Візуальная прывабнасць можа быць праявай схаванай стратэгіі энергазберажэння.
Навукоўцы з Універсітэта Таронта ўстанавілі, што людзям асабліва даспадобы выявы, якія патрабуюць мінімальных энергетычных выдаткаў мозгу пры ўспрыманні. Вынікі даследавання апублікаваныя ў PNAS Nexus.
Паводле слоў навукоўцаў, мозг — адзін з самых «энергаёмістых» органаў: ён спажывае каля 20% ад агульнай колькасці атрыманых калорый. Акрамя таго, амаль палова гэтых рэсурсаў ідзе на забеспячэнне працы зрокавай сістэмы.
Занадта простыя візуальныя стымулы, кшталту пустога белага пакоя, апрацоўваюцца лёгка, але хутка надакучаюць. Занадта складаныя выявы патрабуюць вялікіх метабалічных выдаткаў і могуць выклікаць стомленасць. Даследчыкі выказалі здагадку, што эстэтычныя перавагі могуць быць звязаныя з пошукам энергетычна камфортнай «залатой сярэдзіны».
Каб праверыць сваю гіпотэзу, навукоўцы ацанілі энергетычны «кошт» успрымання 4914 выяў з дапамогай камп’ютарнай мадэлі зрокавай сістэмы. Пасля гэтага паказчыкі параўналі з ацэнкамі прывабнасці, якія далі 1118 рэальных удзельнікаў эксперыменту. Потым даследчыкі пацвердзілі разлічаныя выдаткі з дапамогай візуалізацыі мозгу, якая вымярае спажыванне кіслароду, у чатырох добраахвотнікаў.
У абодвух эксперыментах людзі лічылі больш прыемнымі тыя выявы, на апрацоўку якіх мозг траціў менш энергіі. Хуткія адказы ўдзельнікаў дазволілі зафіксаваць менавіта першасную эстэтычную рэакцыю — тую, што не паспявае ўскладніцца развагамі пра сэнс выявы.
Аўтары працы мяркуюць, што візуальная прывабнасць можа быць праявай схаванай стратэгіі энергазберажэння. Іншымі словамі, «прыемна для вачэй» можа азначаць літаральна: прыемна, таму што эканоміць рэсурсы мозгу.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
