Лукашэнка зацвердзіў дзяржаўны бюджэт на 2026 год

Ён будзе дэфіцытным.

Аляксандр Лукашэнка зацвердзіў рэспубліканскі бюджэт на 2026 год — ён чакаецца дэфіцытным. Пра гэта паведамляе прэс-служба узурпатара. Недахоп сродкаў у дзяржаўнай казне складзе 4,3 млрд рублёў.

Даходы дзяржаўнага бюджэту запланаваныя на ўзроўні 54,4 млрд рублёў, а выдаткі — 58,7 млрд.

«У параўнанні з бягучым годам даходы вырастуць на 12,4%, выдаткі — на 10,4%. Асноўны прырост даходаў забяспечаць ПДВ, падаходны падатак, падатак на прыбытак і паступленні ад знешнеэканамічнай дзейнасці, — паведамляе прэс-служба палітыка. — Падатковая нагрузка для пераважнай большасці плацельшчыкаў застаецца нязменнай».

Як сцвярджаецца, будзе захаваная «сацыяльная накіраванасць бюджэту».

«Ахова здароўя, адукацыя, сацыяльная падтрымка, культура і спорт застаюцца прыярытэтамі — фінансаванне гэтых сфер забяспечвае даступнасць і якасць паслуг для грамадзян, — адзначае прэс-служба палітыка. — Бюджэт прадугледжвае павелічэнне фінансавання і па іншых прыярытэтных напрамках: навука, аграпрамысловы комплекс, падтрымка экспарту».

Нагадаем, на 2025 год мінус дзяржаўнай казны быў запланаваны ў памеры 4 млрд 459,3 млн рублёў. Закрываць гэтую розніцу ў даходах і выдатках збіраліся за кошт новых крэдытаў, а таксама астаткаў у бюджэце за папярэднія гады.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]