Украіна ўзмацняе абарону партоў

Расійскіх атак стала больш.

Расія ўзмацніла ракетна-дронавыя атакі на ўкраінскія парты, спрабуючы разбурыць лагістыку і экспарт. Нягледзячы на гэта, Украіна захоўвае працу партоў і нарошчвае абарону людзей і інфраструктуры.

Пра гэта паведамляе РБК-Украіна са спасылкай на віцэ-прэм'ер-міністра па аднаўленні Украіны — міністра развіцця грамад і тэрыторый Украіны Аляксія Кулебу у Telegram.

«Мы фіксуем істотны рост колькасці расійскіх атак на парты. За год інтэнсіўнасць удараў вырасла ў некалькі разоў, і вораг фактычна спрабуе ціснуць штодня», — падкрэсліў Кулеба.

Паводле яго слоў, толькі за 2025 год зафіксавана 90 камбінаваных удараў, што ўдвая больш, чым за аналагічны перыяд мінулага года.

Найбольш складанай застаецца сітуацыя на поўдні: ў Адэскай вобласці з пачатку года прагучала амаль 800 паветраных трывог, агульнай працягласцю больш як 30 дзён.

Нягледзячы на пастаянныя абстрэлы, партавая лагістыка працягвае працаваць, а марскія экспартныя маршруты застаюцца стабільнымі. Гэта забяспечваюць сотні работнікаў партоў і сумежных галін, якія штодзень выходзяць на змену пад пагрозай удараў.

«Калі атак становіцца больш, наш абавязак — узмацняць абарону людзей і інфраструктуры. Бяспека работнікаў партоў — абсалютны прыярытэт», — падкрэсліў віцэ-прэм'ер.

У адказ на рост атак дзяржава пашырае сетку сховішчаў непасрэдна на тэрыторыі партоў.

Паводле слоў міністра развіцця грамад і тэрыторый, разам з Адміністрацыяй марскіх партоў Украіны і пры падтрымцы партнёраў ужо ўсталявана больш за 50 мабільных сховішчаў у партах Адэскай і Мікалаеўскай абласцей. Акрамя таго, колькасць стацыянарных сховішчаў перавышае 30.

«Мы зыходзім з простага прынцыпу — кожны работнік павінен мець побач надзейнае сховішча, бо балістыка далятае за лічаныя хвіліны», — адзначыў Кулеба.

Паводле яго слоў, паралельна працягваецца сістэмная праца па ўзмацненні абароны саміх партоў. Па словах міністра, яна вядзецца штодня разам з Сіламі абароны, іншымі службамі і міжнароднымі партнёрамі.

Пасля выхаду Расіі з Чарнаморскай зернавай ініцыятывы партавая інфраструктура Украіны стала адной з ключавых мэт для рэгулярных ракетна-дронавых атак.

Крэмль спрабуе падарваць марскі экспарт, які застаецца крытычна важным для эканомікі Украіны і глабальных рынкаў прадуктаў харчавання.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]