Дзясяткі мільёнаў расіян балансуюць на мяжы беднасці

Нават афіцыйныя эксперты прызнаюць: грошай хапае толькі на базавыя патрэбы.

Нягледзячы на справаздачы Расстата пра рэзкае зніжэнне ўзроўню беднасці, дзясяткі мільёнаў расійскіх грамадзян знаходзяцца ў «перадбедным» стане, бо могуць дазволіць сабе толькі ежу і базавыя тавары. Як паведамляе РБК, пра гэта на пасяджэнні Сталыпінскага клуба заявіў Дзмітрый Белоусаў — брат міністра абароны Андрэя Белоусава, які ўзначальвае блізкі да Крамля Цэнтр макраэканамічнага аналізу і кароткатэрміновага прагназавання.

«У нас сітуацыя, калі людзям не хапае на ежу, перамясцілася ў сацыяльны ніз, сацыяльна-тэрытарыяльны. Увогуле мы адышлі ад сітуацыі, калі было 15% нішчых, якім не было за што есці на схіле рэформаў 90-х», — заявіў Белоусаў.

Тым не менш, 30-40% людзей знаходзяцца вельмі блізка да мяжы беднасці — ім «хапае толькі на ежу і на адзенне», і «гэта таксама вельмі дрэнна», дадаў Белоусаў. Паводле яго ацэнак, гаворка ідзе прыкладна пра 40-60 мільёнаў чалавек.

Паводле даных Расстата, у студзені–верасні 2025 года 7,2% расіян, або 10,5 млн чалавек, лічыліся беднымі. Іх даходы былі ніжэй «мяжы беднасці», якую дзяржава ўстанавіла на ўзроўні 16 980 рублёў у месяц. У сярэднім, згодна з афіцыйнай статыстыкай, грамадзяне РФ жылі ў гэтым годзе на 73038 рублёў у месяц, а працуючыя атрымлівалі 96 182 рублёў у выглядзе заробкаў.

Пераважная большасць, праўда, такіх грошай у сваіх кішэнях не бачыць. Паводле даных таго ж Расстата, 58% расіян маюць даход ніжэй за 60 тысяч рублёў у месяц, 43,1% — ніжэй за 45 тысяч рублёў, кожны пяты — ніжэй за 27 тысяч, а 9,7% — менш за 19 тысяч.

Нягледзячы на рост заробкаў і мінімальнае ў гісторыі беспрацоўе, 31% расіян скардзяцца, што ім не хапае грошай на ежу, паказала апытанне Gallup. І хоць гэтая доля ніжэйшая, чым падчас крызісу пандэміі (тады такія адказы давалі больш за 40%), яна істотна перавышае значэнні, якія назіраліся да анексіі Крыму і пачатку супрацьстаяння з Захадам — 17% у 2013 годзе.

Адначасова ўсё больш расіян кажуць пра пагаршэнне эканамічнай сітуацыі ў сваіх рэгіёнах, высветлілі сацыёлагі Gallup. У 2025 годзе такі адказ далі 39% апытаных супраць 33% годам раней, 34% у 2023 годзе і 29% у 2022-м. Песімізм адносна эканомікі стаў адным з рэкордных за 20 гадоў даследаванняў: горш расіяне ацэньвалі становішча спраў толькі падчас глабальнага фінансавага крызісу 2009 года (40%) і ў гады Covid-19 (45-50%).

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]