Мэр Масквы хоча адправіць расійскіх геймераў на фронт

Сяргей Сабянін заклікаў аматараў відэагульняў заключаць кантракты з Мінабароны РФ.

Мэр Масквы Сяргей Сабянін, выступаючы з штогадовым дакладам у Масгардуме, заявіў, што захапленне відэагульнямі можа быць выкарыстана ў войсках беспілотных сістэм, і заклікаў маскоўскіх геймераў заключаць кантракты з Мінабароны РФ і адпраўляцца на фронт аператарамі дронаў. «Масквічы на ўсіх усерасійскіх спаборніцтвах займаюць, як правіла, першыя месцы, любяць пагуляць у відэагульні. Для нас сёння важна, каб аматары відэагульняў не забывалі, што іх таленты цалкам могуць [быць] выкарыстаныя ў беспілотных войсках для нашай перамогі», — перадае ТАСС словы Сабяніна.

Ён падкрэсліў, што ў структуры Міністэрства абароны фарміруюцца спецыяльныя падраздзяленні беспілотных войскаў, і людзі з адпаведнымі навыкамі могуць разлічваць на асаблівае стаўленне пры паступленні на службу. «Ёсць сапраўды хлопцы, якія заключаюць кантракты, цяпер у межах Міністэрства абароны ствараюцца спецыяльныя падраздзяленні, таму калі хто-небудзь будзе жадаць, то ў іх ёсць асаблівыя прэферэнцыі, напэўна, іх прымуць з вялікім задавальненнем», — заявіў Сабянін.

Раней, у сярэдзіне лістапада, Міністэрства абароны Расіі паведаміла пра стварэнне войскаў беспілотных сістэм. У ведамстве заявілі, што ўжо сфармаваныя штатныя палкі і іншыя падраздзяленні, а набор у іх працягваецца. У канцы мінулага года кіраўнік Мінабароны Андрэй Белаусаў заяўляў, што фарміраванне гэтых войскаў плануецца завяршыць у трэцім квартале 2025 года.

У чэрвені Уладзімір Пуцін паведаміў, што такія падраздзяленні ў краіне ўжо актыўна ствараюцца, і заклікаў забяспечыць іх «максімальна хуткае і якаснае разгорванне». А 24 снежня намеснік старшыні Савета бяспекі РФ Дзмітрый Мядзведзеў заявіў, што пры камплектаванні Узброеных сіл кантрактнікамі ў 2026 годзе адным з прыярытэтаў стане ўкамплектаванне менавіта войскаў беспілотных сістэм.

Улетку гэтага года Сяргей Сабянін заяўляў, што каля 100 тысяч жыхароў Масквы былі накіраваныя на вайну супраць Украіны. «Яны забяспечваюць наш сувярэнітэт», — сцвярджаў мэр. Ваеннае ўварванне ў суседнюю краіну ён тады называў «абаронай радзімы» і «годным выкананнем свайго абавязку», падкрэсліваючы, што ўлады горада аказваюць падтрымку як самім удзельнікам баявых дзеянняў, так і іх сем’ям.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]