У Беларусі за год палітвязняў стала больш, чым тых, хто выйшаў на свабоду
- 25.12.2025, 3:00
- 2,840
Праваабаронцы б’юць трывогу.
У 2025 годзе статус палітвязня ў Беларусі ў сукупнасці атрымалі 509 чалавек. Пра гэта 23 снежня паведаміў праваабарончы цэнтр «Вясна».
«Па стане на 23 снежня 2025 года ў беларускіх месцах пазбаўлення волі працягваюць утрымліваць 1135 палітвязняў. З іх 968 — мужчыны, 168 — жанчыны. [...] На дадзены момант праваабаронцам вядома як мінімум пра 164 палітвязняў, якія знаходзяцца за кратамі ў асаблівай рызыцы», — гаворыцца ў матэрыяле.
Праваабаронцы адзначылі, што гаворка, у прыватнасці, пра людзей у цяжкім стане фізічнага здароўя (56), палітвязняў ва ўзросце «60+» (26), з псіхічнымі засмучэннямі (10), інваліднасцю (7).
«Пасля вызвалення [у 2025 годзе] 189 чалавек прымусова вывезлі з краіны, пазбавіўшы магчымасці застацца дома і выбіраць уласную будучыню. За радасцю сустрэч стаяць цяжкія наступствы — разлука з роднымі, вымушаная эміграцыя, страта дакументаў, здароўя і сацыяльных сувязяў. [...] Такое «вызваленне пры ўмове выезду» праваабаронцы называюць новым інструментам палітычнага ціску. Гэта супярэчыць Канстытуцыі і міжнародным актам», — напісала «Вясна».
Паводле яе звестак, з 2020-га, калі пасля «выбараў» прэзідэнта масава пачалі кідаць за краты праціўнікаў Аляксандра Лукашэнкі, які з 1994 года знаходзіцца пры ўладзе ў Беларусі, поўнасцю адбылі тэрміны і выйшлі на свабоду каля 1700 чалавек, з іх як мінімум 300 — у 2025 годзе.
«На працягу 2025 года пры садзейнічанні ЗША былі памілаваныя 342 чалавекі. Усяго з ліпеня 2024-га на свабоду па памілаванні выйшлі 569 палітвязняў», — адзначылі праваабаронцы.
Па стане на 23 снежня, паводле інфармацыі «Вясны», за кратамі ў Беларусі застаюцца як мінімум 20 замежнікаў.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
