У Беларусь ідуць калядныя завеі

А месцамі выгляне снежаньскае сонца.

Некаторым беларусам сёлета, магчыма, пашанцуе сустрэць Раство са снегам і сапраўднай зімовай атмасферай. Па крайняй меры, на гэта ўказваюць аператыўныя прагнозы сіноптыкаў. Яны паабяцалі нам калядныя завеі з маразамі да -13°С. Але месцамі ўсю гэтую зімовую казку на вялікія выхадныя падсвеціць і прыемнае снежаньскае сонейка.

Пакуль тэрыторыя Беларусі застаецца на перыферыі скандынаўскага антыцыклону, таму месцамі трымаецца ладны дзесяціградусны маразец. Паводле аператыўнага прагнозу Белгідрамета, марознае надвор'е чакае беларусаў і на Раство, якое каталікі і большасць пратэстантаў будуць адзначаць ужо заўтра, 25 снежня.

Ужо ў другой палове дня, паводле разлікаў спецыялістаў, Беларусь апынецца пад уплывам малаактыўнага франтальнага раздзелу, што зрушаецца з Балтыйскага мора. Менавіта ён прынясе з сабой калядныя завеі (хоць і слабыя).

Снег дастанецца найперш паўночна-ўсходнім раёнам краіны, а вось астатнія «прыгажосці» надвор'я — галалёдзіца і моцны парывісты вецер — чакаюцца паўсюдна. З-за ўзмацнення ветру, парывы якога могуць дасягаць 15-20 м/с, да вечара 25 снежня Белгідрамет абвясціў па ўсёй краіне жоўты ўзровень небяспекі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]