Пуцін шчадзіць эліту і ўскладае цяжар вайны на бедныя рэгіёны

Пра гэта заявіла разведка Вялікабрытаніі.

Расія працягвае ваяваць супраць Украіны ў асноўным за кошт прадстаўнікоў этнічных меншасцяў з бедных рэгіёнаў. Эліта ў баях практычна не ўдзельнічае, паведамляе РБК-Украіна са спасылкай на зводку разведкі Вялікабрытаніі.

У брытанскай разведцы звярнулі ўвагу, што Расія працягвае несці вельмі вялікія страты з моманту пачатку поўнамаштабнага ўварвання ва Украіну. Верагодна, як у 2024 годзе, так і ў 2025-м страты РФ былі на ўзроўні больш за 400 000 забітых і параненых. Але паказальна, што этнічныя рускія, якія пражываюць у гарадах, па-ранейшаму складаюць непрапарцыйна невялікую долю вайскоўцаў і, як вынік, страт у параўнанні з астатнім насельніцтвам.

У прыватнасці, як піша брытанская разведка, незалежнае расійскае СМІ «Праект» нядаўна паведаміла, што менш за 1 % расійскіх дзяржаўных чыноўнікаў маюць сваякоў, якія ўдзельнічалі ў незаконным уварванні.

У разведцы Вялікабрытаніі патлумачылі, што набор навабранцаў у бедных рэгіёнах, часта заселеных пераважна этнічнымі меншасцямі, дазваляе ўладам РФ больш эфектыўна выкарыстоўваць фінансавыя стымулы, адначасова абмяжоўваючы ўздзеянне на тыя гарадскія пласты расійскага насельніцтва, якія маюць большы палітычны ўпłyў.

— Пуцін і вышэйшае кіраўніцтва Расіі амаль напэўна гатовыя трываць пастаянна высокі ўзровень страт, пакуль гэта не ўплывае негатыўна на падтрымку вайны з боку грамадскасці або эліты і пакуль гэтыя страты можна папаўняць, — дадалі ў разведцы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]