Расія масава атакавала Украіну ракетамі і «Шахедамі»
2- 23.12.2025, 9:19
- 3,312
Пад ударам Кіеў, Жытомір, Роўна, Бурштын, Цярнопальшчына і Букавіна.
У ноч на 23 снежня Расія нанесла масіраваны ўдар па Украіне. Сотні «Шахедаў» яшчэ з 00:00 атакоўвалі практычна ўсе рэгіёны краіны, а бліжэй да ранку дасягнулі заходніх абласцей і ўдарылі па Жытоміры, Роўне, дайшлі да Цярнопальшчыны, Букавіны і Івана-Франкоўшчыны, піша BBC.
Паводле даных маніторынгавых каналаў, каля дзесяці стратэгічных бамбардзіроўшчыкаў маглі ажыццявіць пускі крылатых ракет. Таксама адбыліся пускі крылатых ракет «Калібр» з мора.
Фіксуюцца ўдары па Роўне, Жытомір атакуюць «Шахедамі» некалькімі хвалямі.
Кіраўнік Чарнавіцкай вобласці паведамляў пра дроны над вобласцю; пад пагрозай знаходзілася Днястроўская ГЭС.
Пасля 6 раніцы паветраную трывогу абвясцілі ў Івана-Франкоўскай вобласці. Паводле даных маніторынгавых каналаў, шмат «Шахедаў» ляціць на Бурштын, дзе знаходзіцца важная ЦЭЦ.
У цэлым падчас гэтага ўдару чакаюць асаблівай увагі да энергетычнай інфраструктуры Адэскай вобласці і ўсяго паўднёвага рэгіёну. Сам горад Адэса некалькі дзён знаходзіўся ў поўным блекаўце.
Амаль усю ноч «шахеды» абляталі Кіеў, але перад світанням пачалі атакаваць і сталіцу Украіны. Там абвясцілі паветраную трывогу і пачала працаваць сістэма проціпаветранай абароны. Пераважна гэтай ноччу «Шахеды» наносілі ўдары па навакольных гарадках каля Кіева.
Улады Сумскай вобласці ўжо паведамілі пра значныя разбурэнні інфраструктуры паблізу Шосткі і Канатопа; пачаліся праблемы з электразабеспячэннем.
Апошні раз Расія наносіла масіраваны ўдар па ўсіх рэгіёнах Украіны 6 снежня, калі былі пашкоджаныя аб’екты энергетыкі і ўведзены жорсткія графікі адключэння электраэнергіі.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
