У Беларусі знайшлі новых птушак

Яны прыйшлі з гор Еўропы.

У Беларусі зарэгістраваныя новыя для краіны віды птушак. Пра гэта ў Навукова-практычным цэнтры па біярэсурсах Нацыянальнай акадэміі навук паведамілі БелТА.

Так, упершыню беларускую рэгістрацыю атрымаў белагорлы дрозд (Turdus torquatus), які звычайна гняздуецца ў гарах Еўропы. Гэтая птушка раней у Беларусі не адзначалася, а 21 кастрычніка яе выявіла жыхарка Віцебска. На жаль, птушка разбілася аб шкло гандлёвага цэнтра.

У НАН звярнулі ўвагу, што нават спецыялістам даволі цяжка заўважыць белагорлага дрозда. Знешне гэтыя птушкі моцна падобныя да звычайнага чорнага дрозда, але ў самцоў ёсць прыкметная адметнасць — белая пляма на грудзях. Хоць самкі і маладыя птушкі двух відаў дроздаў мала адрозніваюцца.

Акрамя таго, яшчэ адну рэдкую для Беларусі птушку — кароткапалую пішуху — сфатаграфавалі ў парку горада Высокае ў Брэсцкай вобласці 12 студзеня. Гэты від птушак у Беларусі адзначалі ў 1918 годзе, потым яшчэ ў пачатку XXI стагоддзя было некалькі галасавых рэгістрацый. А цяпер упершыню ўдалося сфатаграфаваць гэтую птушку.

Кароткапалая пішуха звычайная для Заходняй Еўропы, але па Польшчы, якая мяжуе з Беларуссю, праходзіць усходняя мяжа распаўсюджання гэтага віду. Пры гэтым звычайная пішуха ў Беларусі сустракаецца нават у гарадах. Адрозніць кароткапалую ад яе ў прыродзе даволі складана; найлепш зрабіць фота або відэа, запіс спеву.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]