Зяленскі: Слаба верыцца, што Пуцін зможа жыць без забойстваў і ўварванняў
- 23.12.2025, 4:27
Трэба ўзмацняць ціск на дыктатара РФ.
23 снежня пра перамовы з ЗША адносна «мірнага плана» для Украіны будуць дакладваць сакратар Рады нацыянальнай бяспекі і абароны Рустэм Умераў і начальнік Генштаба Узброеных Сіл Украіны Андрэй Гнатаў. Пра гэта ў звароце па выніках 22 снежня паведаміў прэзідэнт Уладзімір Зяленскі, стэнаграму апублікавала яго прэс-служба.
«Заўтра раніцай я чакаю поўнага дакладу пра падрыхтаваныя дакументы. Шмат што прапрацавалі, і найперш дакументы аб гарантыях бяспекі, а таксама 20 пунктаў асноўнага дакумента – базавай рамкі, якую абмяркоўвалі ўкраінская і амерыканская дэлегацыі», – сказаў Зяленскі.
Ён адзначыў важнасць таго, «каб амерыканскі бок мог атрымаць і адказ ад Расіі – рэальную гатоўнасць гэтай дзяржавы засяродзіцца на чымсьці іншым, а не на агрэсіі».
«Вядома, пасля столькіх гадоў ад пачатку гібрыднай вайны, якая цяпер стала поўнамаштабнай, слаба верыцца, што Пуцін зможа жыць без забойстваў і ўварванняў. Але зніжэнне цаны на расійскую нафту, моцныя санкцыі свету, працяг усіх іншых формаў ціску – гэта тое, што пераканае нават такую ўпартую асобу», – заявіў прэзідэнт Украіны.
Паводле слоў Зяленскага, «Пуцін ваюе, пакуль у яго ёсць грошы, каб купляць лаяльнасць і свайго асяроддзя, і расійскага насельніцтва і адначасова плаціць за забойствы на фронце».
«За гэты год ужо шмат зроблена, каб грошай у расійскай ваеннай машыны стала менш. Я ўдзячны ўсім нашым ваярам за дыпстрайкі – цяпер амаль штодня ёсць вынік. Асабліва гэта адчувальна ў дыпстрайках супраць расійскага нафтавага экспарту. Добра, што Еўразвяз, Амерыка і іншыя партнёры ціснуць на расійскі экспарт газу і нафты», – падкрэсліў ён.
Прэзідэнт Украіны звярнуў увагу, што звязаныя з Расіяй танкеры «усё часцей маюць праблемы ў ключавых акваторыях», а таксама абвясціў пра новыя санкцыі Украіны і свету супраць розных асоб, і не толькі расійскіх.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
