Беларусы больш за ўсё ўвозілі тавары з Польшчы
3- 22.12.2025, 19:17
- 1,450
Сярод лідэраў — сантэхніка, камп'ютары і сродкі сувязі.
Нацыянальны статыстычны камітэт прывёў даныя абследавання фізічных асоб у чатырох аўтадарожных пунктах пропуску праз мяжу Беларусі ў кастрычніку 2025 года. З атрыманых вынікаў вынікае: беларусы больш за ўсё ўвозілі тавары з Польшчы, а сярод лідэраў пакупак, зробленых у заходняй краіне-суседцы, — сантэхніка, камп'ютары і сродкі сувязі
«Асноўнымі відамі ўвозімых тавараў былі сантэхніка (увезена ў сярэднім на 277 долараў ЗША на аднаго чалавека, які адзначыў факт увозу і кошт дадзенага віду тавару), камп'ютарная тэхніка і сродкі сувязі (274 долары), тэлевізары (260 долараў), аўтамабільныя запасныя часткі (169 долараў), электрычная бытавая тэхніка (166 долараў), электраінструмент, бензапілы (165 долараў), парфумерныя і касметычныя сродкі (117 долараў), абутак (99 долараў), адзенне (95 долараў), лекавыя сродкі (88 долараў)», — гаворыцца ў даных абследавання.
Таксама ў Белстаце адзначаюць, што каля 43,2% ад агульнай колькасці апытаных, якія ўязджалі ў рэспубліку, адлюстравалі ў анкеце ўвоз тавараў. А вось вываз быў у 29,4% анкет: у 51,7% выпадкаў — у Літву, у 40,1% — у Латвію.
«Асноўнымі відамі вывозімых тавараў былі камп'ютарная тэхніка і сродкі сувязі (вывезена ў сярэднім на 236 долараў на аднаго чалавека, які адзначыў факт вывазу і кошт дадзенага віду тавару), адзенне (94 долары), электрычная бытавая тэхніка (89 долараў), абутак (86 долараў), бензін і дызельнае паліва (66 долараў)», — сказана ў абследаванні.
Белстат адзначае, што з 2072 распаўсюджаных у гэты перыяд анкет запоўнілі 81% — 1678: 738 — нерэзідэнты краіны, 940 — беларусы.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
