Сотні польскіх аўтамабіляў затрымаліся ў Беларусі

Яны везлі прычэпы на літоўскіх нумарах.

Польскія аўтаперавозчыкі просяць урад дапамагчы ім вярнуць транспарт, які затрымаўся на беларускай тэрыторыі. У многіх з іх прычэпы былі на літоўскіх нумарах, а цягачы — на польскіх. Такія аўтапоезды не могуць выехаць з Беларусі ні праз літоўскую, ні праз польскую мяжу.

Сітуацыя можа закранаць сотні аўтапоездаў, лічаць у Польскай асацыяцыі міжнародных аўтаперавозчыкаў (ZMPD). Для вырашэння праблемы перавозчыкі сустрэліся з прадстаўнікамі МУСіА, МЗС і Памежнай службы.

У чым праблема

У канцы кастрычніка ў адказ на масавы залёт метэазондаў з беларускімі кантрабанднымі цыгарэтамі Літва закрыла мяжу з Беларуссю. Тады рэжым Лукашэнкі ужорстчыў правілы перамяшчэння грузавога транспарту з літоўскай і польскай рэгістрацыяй па сваёй тэрыторыі. Грузавікам і прычэпам з літоўскай рэгістрацыяй дазволілі ўязджаць і выязджаць з Беларусі толькі праз пункты пропуску на беларуска-літоўскай мяжы і перамяшчацца па краіне толькі ад мяжы да ўстаноўленага месца разгрузкі.

Пакуль мяжа была закрытая, машыны накіравалі на спецыяльныя мытныя стаянкі, адкуль з-за палітычных і тэхнічных абмежаванняў яны не змаглі выбрацца і пасля адкрыцця пунктаў пропуску.

Аднак высветлілася, што многія аўтасаставы былі «інтэрнацыянальныя». Цягач на польскіх нумарах вёз прычэп, зарэгістраваны ў Літве. Такі аўтапоезд цяпер не можа выехаць з Беларусі ні праз літоўскі, ні праз польскі ўчастак мяжы, канстатуюць у ZMPD.

Вялізныя выдаткі

Больш за тое, уладальнікі аўтапоездаў вымушаныя аплачваць мытную стаянку — 120 еўра ў суткі за кожны аўтапоезд. Пры блакіроўцы на 40 дзён выдаткі дасягаюць амаль 5 тыс. еўра і павялічваюцца з кожным днём.

— У некаторых польскіх прадпрымальнікаў заблакавана больш за дзесяць, а то і некалькі дзясяткаў аўтапоездаў, што прыводзіць да велізарных фінансавых страт і паралізуе дзейнасць кампаній. <�…> Паводле нашых даных, сітуацыя можа закранаць у агульнай складанасці сотні такіх аўтапоездаў, — заявіў старшыня ZMPD Ян Бучэк.

Выданне Rzeczpospolita прыводзіць і іншы аспект праблемы. У некаторых цягачоў падыходзіць да канца тэрмін тэхагляду. Патрэбнае рашэнне Міністэрства інфраструктуры, каб такі транспартны сродак мог без наступстваў уехаць у Польшчу і даехаць да станцыі тэхагляду.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]