ЗША перахапілі нафтавы танкер ля берагоў Венесуэлы

Ужо трэці.

ЗША перахапілі яшчэ адзін нафтавы танкер ля берагоў Венесуэлы, паведамляе Bloomberg. Танкер Bella 1, які ішоў пад панамскім сцягам, накіроўваўся ў венесуэльскі порт для загрузкі. Судна знаходзіцца пад санкцыямі ЗША.

Гэта ўжо трэці нафтавы танкер, перахоплены ЗША ў Карыбскім моры, пасля абвяшчэння марской блакады Венесуэлы. 10 снежня ў моры быў перахоплены танкер Skipper, а 20 снежня — супертанкер Centuries, загружаны 2 млн барэляў сырай нафты.

Хоць Bloomberg піша, што Bella 1 ішоў пад панамскім сцягам, паводле даных сэрвісу Marinetraffic судна здзяйсняла апошнія рэйсы пад сцягам Гаяны. Даўжыня супертанкера — звыш 330 метраў, шырыня — 60 метраў, яго пабудавалі ў 2002 годзе. Апошні раз танкер пазначаў сваё месцазнаходжанне чатыры дні таму, на падыходзе да Малых Антыльскіх астравоў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]