Расійскі прапагандыст зладзіў «яўку з павіннай»

Параўнаў Данбас, разбураны арміяй РФ, з Хатынню.

Крэмлёўскі Z-ваенкар Аляксандр Коц у эфіры дзяржаўнага радыё «Камсамольская праўда» зрабіў смелае прызнанне. Ён фактычна прызнаў, што армія РФ робіць з украінскімі гарадамі і вёскамі тое самае, што чынілі гітлераўцы ў Другую сусветную вайну, піша «Дыялог.UA».

Коц паведаміў, што апошнія месяцы працаваў на Пакроўскім накірунку, які актыўна штурмуюць ЗС РФ. І там, паводле яго слоў, у выніку расійскага «вызвалення» гарады і вёскі літаральна сцёрты ў пыл.

«Едзеш — і гэта цалкам разбітыя вёскі. Стаяць адны коміны, як мемарыял у Хатыні, могілкі загінулых вёсак. Населеныя пункты знаходзяцца менавіта ў такім стане. Усё знесена дачыста», — адкрыта сказаў Коц.

Ён таксама падкрэсліў, што ў многіх месцах, на яго думку, ужо «няма чаго аднаўляць».

Асобна ваенкар закрануў лёс мірных жыхароў, што апынуліся пад расійскай акупацыяй. Расія фактычна зрабіла іх бамжамі.

«Гэта велізарная колькасць людзей, тысячы чалавек, баюся сказаць дзясяткі тысяч, але магчымы і такі парадак лічбаў», — прызнаў Z-ваенкар.

Коц пералічыў шэраг украінскіх гарадоў і пасёлкаў, якія, паводле яго слоў, фактычна знішчаныя: Саледар, Чырвоная Гара, Бахмут, Часаў Яр, а таксама сотні вёсак, якія «проста сцёртыя».

Пры гэтым ён прызнаў, што аднаўленне разбураных населеных пунктаў у планах акупацыйных уладаў адкладзена на нявызначаную будучыню.

Коц заявіў, што аднаўленне пачнецца ўжо пасля вайны, якая, паводле яго слоў, невядома калі скончыцца.

Відавочна, што Z-прапагандыст лукавіць. РФ, якая цалкам закінула ўласныя вёскі, нічога аднаўляць не будзе. Доказам гэтага з'яўляецца Данецк, які знаходзіцца пад расійскай акупацыяй ужо больш за 11 гадоў. РФ давяла гэты калісьці сучасны мільённы горад да гуманітарнай катастрофы, дзе знішчана водазабеспячэнне, і людзі вымушаныя хадзіць у прыбіральню ў пакеты.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]