Хегсет выстаўіў ультыматум Мадуру

Пасля чарговага захопу танкера каля берагоў Венесуэлы.

ЗША будуць і надалей затрымліваць танкеры, якія выходзяць з Венесуэлы, да таго часу, пакуль рэжым прэзідэнта краіны Нікаласа Мадуры не верне «усе скрадзеныя амерыканскія актывы».

Пра гэта ў X заявіў міністр вайны ЗША Піт Хегсет.

«Прэзідэнт Трамп ясна даў зразумець: блакада танкераў з санкцыйнай нафтай, якія выходзяць з Венесуэлы або накіроўваюцца ў яе, застанецца ў поўнай сіле, пакуль злачыннае прадпрыемства Мадуры не верне ўсе скрадзеныя амерыканскія актывы», — напісаў Хегсет.

Паводле яго слоў, ЗША «без вагання» будуць праводзіць марскія аперацыі па перахопе танкераў з санкцыйнай нафтай, а «гвалт, наркотыкі і хаос» не будуць кантраляваць Заходняе паўшар'е.

«Міністэрства вайны разам з нашымі партнёрамі з Берагавой аховы, не вагаючыся, будзе праводзіць марскія аперацыі па перахопе — у рамках аперацыі «Паўднёвае Коп'е» — для дэмантажу незаконных злачынных сетак», — напісаў міністр вайны ЗША.

Варта адзначыць, што 20 снежня Берагавая ахова ЗША перахапіла чарговы танкер з нафтай каля берагоў Венесуэлы. Міністр унутранай бяспекі ЗША Крысці Ноэм, каментуючы кадры аперацыі, падкрэсліла: Вашынгтон працягне пераследаваць незаконныя перавозкі санкцыйнай нафты, якая фінансуе «наркатэрарызм у рэгіёне».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]