У расійскім Аксаі палае падстанцыя: у шэрагу населеных пунктаў наступіў блекаут

Напярэдадні ў рэгіёне абвяшчалася папярэджанне пра налёт беспілотнікаў.

У суботу ўвечары ў Аксаі Растоўскай вобласці РФ успыхнула электрападстанцыя, пасля чаго ў некалькіх населеных пунктах Аксайскага раёна зніклі электрычнасць, цяпло і водазабеспячэнне, паведамляе «Диалог.UA».

Кадры палаючага аб’екта апублікаваныя ў сацыяльных сетках.

У адміністрацыі раёна пацвердзілі інфармацыю пра адключэнне электрычнасці, заявіўшы, што гэта выклікана «аварыяй» на ВЛ-35. З-за адсутнасці электрычнасці зніклі водазабеспячэнне і цеплазабеспячэнне ў мікрараёне Ваенны гарадок і водазабеспячэнне ў Аляксееве.

Расійскія ўлады сцвярджаюць, што адбылося «тэхналагічнае парушэнне ў сетцы». Электрычнасць можа адсутнічаць і ў шэрагу іншых населеных пунктаў. Паводле іх слоў, для ліквідацыі абрыву лініі электраперадачы 35 кВт накіраваныя 3 брыгады.

Тым часам незадоўга да здарэння ў рэгіёне абвяшчалася папярэджанне аб пагрозе налёту беспілотнікаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]