Што насамрэч адбываецца ў беларускіх школах

Новыя меры бяспекі не дапамогуць.

Начальніку Дэпартамента аховы МУС даручана «ўзмацніць пільнасць вартавой аховы ў школах» і «пракантраляваць спраўнасць тэхнічных сродкаў абароны», піша «Салідарнасць».

Усе гэтыя дадатковыя меры прыняты «ў сувязі з трагедыяй у адной з расійскіх школ», паведамляюць у ведамстве. І папярэджваюць, што «любыя спробы дэстабілізацыі сітуацыі ў краіне будуць неадкладна і жорстка спыняцца».

На першы погляд, рашэнне яшчэ раз праінструктаваць адміністрацыі школ наконт дзеянняў пры ўзнікненні надзвычайных сітуацый выглядае цалкам разумным. Асабліва з улікам уплыву расійскага інфармацыйнага поля на Беларусь. Але беларускія рэаліі сведчаць, што такія меры, па-першае, могуць быць малаэфектыўнымі ў выпадку магчымага надзвычайнага здарэння.

Канкрэтны прыклад: у студзені 2011-га пасля тэракту ў маскоўскім аэрапорце Дамадзедава ў Беларусі былі ўзмоцнены меры бяспекі.

У мінскім і абласных аэрапортах, на сталічных вакзалах і ў метро падвоілі колькасць супрацоўнікаў міліцыі. Пасажыраў і іх рэчы пачалі правяраць металадэтэктарамі. А ў красавіку таго ж года на станцыі метро «Кастрычніцкая» прагрымеў выбух.

Па-другое, тыя ж рэаліі даюць падставы меркаваць, што інцыдэнты ў Расіі беларускія сілавікі выкарыстаюць, каб яшчэ больш узмацніць кантроль над школамі, канчаткова ператварыўшы іх у рэжымныя аб’екты.

А вось што насамрэч трэба зрабіць для бяспекі дзяцей, дык гэта агарадзіць іх ад уплыву шалёных ваенрукоў, візітаў сілавікоў са зброяй у школы і «экскурсій» школьнікаў у аддзяленні міліцыі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]