Украіна перадала саюзнікам месца базавання «Арэшніка» ў Беларусі

У «Арэшніку» ёсць заходнія дэталі, заявіў Зяленскі.

Украіна перадала партнёрам інфармацыю пра тое, дзе ў Беларусі знаходзіцца расійскі ракетны комплекс «Арэшнік».

Пра гэта ўкраінскі прэзідэнт Уладзімір Зяленскі заявіў на прэс-канферэнцыі з польскім прэзідэнтам Каролем Навроцкім.

Пра тое, што «Арэшнік» пастаўлены на баявое дзяжурства, 18 снежня заявіў Лукашэнка.

- Мы разумеем, дзе ён будзе размешчаны. Мы перадаём інфармацыю нашым партнёрам. Думаю, партнёры самі могуць ацаніць гэтую пагрозу і зразумець, як ім на гэта рэагаваць, – сказаў Зяленскі.

Ён адзначыў, што Кіеў папярэджваў еўрапейскіх і амерыканскіх партнёраў пра тое, што «Арэшнік» будзе перамешчаны. У ім ёсць заходнія дэталі, якія акупанты атрымліваюць праз трэція краіны, адзначыў кіраўнік украінскай дзяржавы.

- Мы паказвалі адлегласць, на якую ён будзе дзейнічаць. Гэта пагроза для многіх еўрапейскіх краін, у прыватнасці для Польшчы, Германіі і іншых... Мы разумеем, як з гэтым змагацца. Мы прасілі, каб партнёры ўжылі санкцыі супраць кампаній, якія знаходзяцца як у Еўропе, так і на іншых кантынентах.

Кампаніі, якія прадаюць кампаненты, што падыходзяць да «Арэшніка», праз трэція краіны. Без гэтых кампанентаў Расія развіваць вытворчасць «Арэшніка» проста не можа. Я не бачу гэтых уведзеных санкцый, калі шчыра. Пакуль што, – дадаў Зяленскі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]