Лукашэнка распавёў, дзе насамрэч размясцілі расійскі «Арэшнік»

Не пад Слуцкам.

Аляксандр Лукашэнка пракаментаваў выказанае ў СМІ меркаванне, што расійскі комплекс «Арэшнік», які паступіў у нашу краіну, мог размясціцца каля вёскі Паўлаўка пад Слуцкам на тэрыторыі былой савецкай ракетнай базы, дзе да 1991 года быў размешчаны 306-ы ракетны полк стратэгічнага прызначэння з ядзернымі носьбітамі.

— Сёння прачытаў, што нашы ашалелыя там за мяжой заявілі, быццам недзе ў раёне Слуцка мы размясцілі «Арэшнік». Не хачу казаць дзе і не скажу, але гэта поўная хлусня. Ні ў якім Слуцку мы «Арэшнік» не размяшчалі. Размясцілі там, дзе больш выгадна, але я пра гэта казаць не буду, — сказаў Лукашэнка, дадаўшы, што яго апаненты «ані чорта не ведаюць».

Нагадаем, учора беларускі дыктатар Аляксандр Лукашэнка заявіў, што Мінск нібыта атрымаў ад расіян ракету «Арэшнік» і яна павінна заступіць на баявое дзяжурства.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]