Трох афіцэраў Расгвардыі злавілі на шматмільённых пахішчэннях
12- 18.12.2025, 17:07
- 4,114
Яны абкрадалі расійскую авіяцыю.
У Маскоўскім гарнізонным ваенным судзе пачаўся разгляд крымінальнай справы аб пахішчэнні больш за 220 млн рублёў пры пастаўках тэхнікі для авіяцыйных падраздзяленняў Расгвардыі. Фігурантамі справы з'яўляюцца трое афіцэраў ведамства і прадпрымальнік, паведамляе «Коммерсантъ» са спасылкай на матэрыялы крымінальнай справы, якую расследуе Галоўнае ваеннае следчае ўпраўленне (ГВСУ) СКР.
Паводле звестак выдання, на лаве падсудных апынуліся намеснік начальніка ўпраўлення спецыяльных відаў тэхнічнага і тылавога забеспячэння авіяцыі Галоўнага ўпраўлення авіяцыі ведамства Андрэй Степін, старшы афіцэр авіяцыйна-тэхнічнай службы з упраўлення Степіна Андрэй Чарнобаеў, афіцэр аддзела закупак аўтабранятанкавай і авіяцыйнай тэхнікі, ГСМ і плавальных сродкаў упраўлення дзяржзакупак дэпартамента арганізацыі рэалізацыі дзяржпраграм і арганізацыі закупак Расгвардыі Алег Гамаюноў і генеральны дырэктар кампаніі-пастаўшчыка «Вектар» Аляксей Суркоў. Іх абвінавачваюць у махлярстве ў асабліва буйным памеры (ч. 4 арт. 159 КК РФ).
Слядзтва ўстанавіла, што ў 2017–2021 гадах паміж Расгвардыяй і падкантрольнымі Суркову кампаніямі былі заключаныя кантракты на пастаўку спецыяльнага абсталявання. Ключавым эпізодам стала закупка ў 2019 годзе пяці зборна-разборных адміністрацыйных будынкаў для авіяпалка асаблівага прызначэння. Паводле версіі абвінавачвання, замест прадугледжаных дагаворам канструкцый за 197 мільёнаў рублёў былі пастаўленыя больш танныя стацыянарныя пабудовы, а розніца ў 79,9 мільёна рублёў была пахішчаная. Аналагічныя схемы з завышэннем цэны ўжываліся пры пастаўках пажарных аўтамабіляў і зарадных станцый.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
