Уіткофф падарыў Трампу яшчык ікры з Расіі

Спецпасланец ЗША паспрабаваў яе перад перамовамі з Пуціным.

Спецпасланец прэзідэнта ЗША Стыў Уіткофф перадаў прэзідэнту Дональду Трампу яшчык чырвонай ікры, вырабленай у пасёлку Чныррах Мікалаеўскага раёна Хабараўскага краю. Пра гэта паведамілі ў рэгіянальным міністэрстве прамысловасці і гандлю.

Ікру вырабілі на мясцовым рыбакомбінате. Уіткофф упершыню паспрабаваў прадукт падчас абеду ў маскоўскім рэстаране Savva перад перамовамі з Пуціным. Пасля гэтага яму падарылі яшчык ікры, які ён даставіў Трампу.

Нагадаем, 3 снежня у Крэмлі прайшлі перамовы Расіі і ЗША. Пуцін прыняў у Крэмлі Уіткоффа і зяця Трампа Джарэда Кушнера. З расійскага боку прысутнічалі таксама памочнік Пуціна Юрый Ушакоў і спецпрадстаўнік прэзідэнта па інвестыцыйна-эканамічным супрацоўніцтве з замежнымі краінамі Кірыл Дзмітрыеў.

Па выніках перамоў бакам не ўдалося дасягнуць згоды па кампрамісным мірным плане; у прыватнасці, удзельнікі сустрэчы не ўрэгулявалі супярэчнасці па тэрытарыяльным пытанні.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]